La poesia é la morvëia che insëgna

Data

19 de november 2026

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
La racoiüda de poesies nöia de Silvia Liotto é danman. L'auturia nes cunta tres n'intervista de süa publicaziun nöia
»Il tempo dà ragione – Le tëmp dá rajun« é le titul dl liber de poesies nü de Silvia Liotto, publiché cun l’editur »La Vita Felice« da Milan. Al é la secunda racoiüda de poesies originales, scrites dal’auturia te dui lingac, tl talian y tl ladin. Proscimamënter gnarál a s’al dé deplü apuntamënc cun la scrituria davagnadëssa dla 10. ediziun dl pest de poesia »Angelo Trebo«. I un porchël tut l’ocajiun da ti fá n valgünes domandes.

La Usc De ci nen vára pa te chësta racoiüda de poesies?
(Silvia Liotto) Chësta racoiüda se desfarenziëia da chëra da denant cun le titul »Le fi dl plü«, ciodiche ara porta adöm poesies nasciüdes ma ti ultims dui agn. Le pinsier da fá adinfora na racoiüda m’á acompagné tl scrí bele dal mëteman. Al n’é indere nia na idea nasciüda pro na mësa, mo plütosc se tratera dl cör che mët man da orëi dí y scrí; al é n debojëgn. al é n pü’ rî ti dé ma n carater su a chësta racoiüda.
Ara cunta de mia infanzia cina al’eté de 12 agn, dla möta che i ê tres l’odlada poetica dl’ëra che i sun sëgn. La parora poetica intrecëia tematiches desfarëntes: esperiënzes de vita, le recort de porsones, mia relaziun cun la natöra che ciafa te mia poesia n resonn sterch. Ci che ti dá n tai n pü’ particolar a chësta racoiüda é la presënza dla condiziun feminila, na tematica che m’atoca sciöche ëra che osservëia tratan so sté al monn, che ciara incër ëra ia cun i edli dla morvëia.


L’intervista completa ciafëise da lí tla ediziun nöia, publicada ai 20 de novëmber!