La Usc di Ladins

Cristina Crepaz »Majarota« la n’a mané en redazion  chësta vegla foto de Reba. La cesa che se veiga davántsu l’é chela del »Schneider da Reba«, al scecol »Nándo de chi de Costa«. Se sa per segur che la cesa l’é stada fata su ntel 1926, spò la foto l’é de chelche ann davò e l’é stada trata ju da nen liber, ma no se sa plù chela. Forsci na vegla publicazion che descor de le val ladine. Perméz de La Usc Cristina la damana a nuosc letori se valgugn se recorda de avei vedù chësta publicazion e savei da di de ci una che se trata a na moda da podei ence vignì soura a chi che a l original de la foto. Se volëssa ence de rué a savei l inom  de la mëda col ceston. Chi che assa informazion i é periei bel de contaté la redazion per mail a soratroi.lorenzo@gmail.com o al numer 3391732284.