La Usc di Ladins

Dal prum de merz i é jus en vigor i nuos orari dei ufizi del Comun da Fodom. Na dezijion chësta, scrif l’aministrazion nte la deibera che i aproveia, »touta per vignì adincontra ai deujens de la jent e davò la fin del stato de emergenza e l superament de le mesure anti Covid. Chisc i nuos orari, ufize per ufize. Anagrafe, Stato Zivil, Eletoral e Leva dal lunesc al vender, dadomán da le 8:30 a le 12:45, davomesdì, lunesc, miercoi e juoba, da le 14:30 ale 17:00. Ufize de Canzelaria e Protocol, dal lunesc al vender, dadomán da le 8:30 ale 12:45, davomesdi, lunesc, miercoi e juoba, da le 14:30 ale 17:00. Ufize del comerz, dadomán, dal lunesc al vender, da le 8:30 ale 12.45, davomesdì, lunesc e juoba, da le 14:30 ale 17:00. Ufize de la Polizia de Comun e Guardiabosć, dadomán, da lunesc a la sabeda, da le 8:30 ale 12:45. Ufize de le coute, dadomán, dal lunesc al vender, da le 8:30 ale 12:45. Ufize per el fabriché privat, juoba dadomán da le 9:00 ale 11:00, su apuntament lunesc, mertesc, miercoi e vender. Ufize dei laour publizi, juoba dadomán da le 9:00 ale 11:00, su apuntament lunesc, mertesc, miercoi e vender. Ufize dei conc, su apuntament.

De plu tla edizion stampeda de La Usc di Ladins o sun l e-paper a paiament www.lausc.it/e-paper