La Usc di Ladins

Chëst ann d’inviern, tla sajon 2024/2025, iel stat plutosc puecia nëif naturela sëura duta la Elpes. Y nscila nce da nëus te Sëlva, te Val, ulache l vën praticà l bel sport dl pudejé, che se basa sun la nëif na­ turela.

La Lia dl Turism de Sëlva fej nëif cun l canon ta Ciampac per l prim tòch dla loipes. Y chël bele tl scumenciamënt dla sajon, de nuvëmber y de dezëmber, acioche i turisć y chëi da tlo posse se fé de bela raides cun i schi da pudejé ntan la feries da Nadel. N ti dà nscila nce la puscibltà ai atlec de biathlon dl Schi Club Gherdëina de pudëi mëter man cun i alenamënc. Iló tl Busc dl Preve iel pu la plaza dal scies.

N possa bën dì che chëst ann iel unì praticà mpue de manco l sport dl pudejé te Val, sibe dai turisć che da chëi da tlo. Scialdi lezitënc a se alené ie stac i jëuni dl Schi Club Gherdëina che fej biathlon, dai diesc ani insù nchin ai granc.

Arnold Runggaldier


L articul tla edizion atuela de La Usc di Ladins.