La Usc di Ladins

Semper de più te nosc lurier, te noscia azions da ogne dì se troon a interagir con na neva tecnologia, la inteligenza artifizièla. Da n trat en ca canche se chier vèlch sun Google vegn fora per prumes la informazions de AI Overwiew e ades adertura ence sun WhatsApp aon a la leta n nef contat, l à inom Meta, n assistent virtuèl a chel che podon ge fèr ogne sort de domanes per aer informazions o respostes, traduzions te etres lengac o ence creèr o mudèr retrac.

La IA, la inteligenza artifizièla, l é n meso potent che pel ne sperder o che pel ne esser de utol, se emparon a l gestir delvers. Ma coluns éi i limic morai de chesta tecnologia? Co fajone a balanzèr inovazion e deric de la jent? E chi él responsabol de la dezijions toutes da chisc algoritmes?

A chesta e autra domanes à proà a responer Carlo Casonato, professor de derit costituzionèl comparà a l’Università de Trent te na scontrèda endrezèda da la Fondazion FiemmePER en mercol ai 16 de oril al Palacongresc de Ciavaleis.

Se pel lejer dut su La Usc nr 16 dai 2 de mé: sul sfoi stampà che se pel troèr ence te la boteighes de sfoes de la valèdes ladines o sul pdf per i aboné al e-paper.

 (Monica Cigolla)