La Usc di Ladins

Program:

Dala 7:00 (messon pië via per tëmp y ëura ajache l vën śarà la stredes di jëufs per l Di dla Rodes) pion via da Plaza Sant Antone cun la curiera de “viages Gherdëina” y l vën po’ fermà a Soplajes, pra l rundel Iman y dal hotel Oswald.      


Ntëur la 9:30 se ancuntons cun Elsa Zardini (presidënta dla Union di Ladins de Ampëz). Ëila nes menerà tres Cortina y nes cunterà dla storia y cultura dl luech.

Jiron a ti cialé a:

- la bela dlieja dla Beata Vergin Maria dla Difesa, che per i cortinejes ie perdrët la dlieja plu mpurtanta

- Elsa nes cunterà dla “Regoles d’Ampëz” y si cësa   

- chi che uel puderà jì su sun l ciampanil dla Basilica di Sanc Filip y Iacun, da ulache n à na bela ududa sun l luech y i crëps ntëurvia

- l Museum etnografich d’Ampëz cun si biei lëures artejanei, ntarsc, mosaics, i lëures de filigrana che ie n artejanat tipich d’Ampëz, nzijions sun ram, laton o fier.


Ntëur la 13:00 pions cun la curiera de viers de Pocol tl luech de Son dei Prade pra la hutia Baita Resch a maië da marënda.    

Do marënda vëniel jit za. 30-45 menuc a pe nchin dal Sacrario Militare a Pocol (chi che uel po’ jì cun la curiera). Na gran tor che n vëij bele da dalonc y ulache l vën cunservà i osc de passa 10.000 saudeies talians tumei tla front dla Dolomites ntan la prima viera. (Tlo nes uniral cuntà velch dla storia de chësc post) 

Dala 17:00 pions inò de viers de Gherdëina.


L priesc dla jita ie de 60 € per cumëmbri dla ULG y de 70 € per nia cumëmbri. Laite iel l viac cun la curiera, la marënda y la ntreda tl Museum Etnografich. Iscrizions: 0471 796870; email: info@ulg.it"info@ulg.it

Per paië ite possen passé diretamënter te ufize dla ULG o tla banca:

IBAN: Cassa Raiffeisen Ciastel-Urtijëi – IT 45 D 08056 23120 000302057301

L nes fajëssa scialdi plajëi sce ve tulessais dl’aurela de unì pea de trueps!