La Usc di Ladins

Tel chèder di 50 egn del Istitut Cultural Ladin de Fascia l é stat endrezà na dì de referac e laboratories dal titol »Cie é pa n standard te n lingaz? Storia, endesfides, aspetatives y davegnì dl ladin«. Belapontin en vender ai 6 de jugn la Majon di fascegn porta dant na dì de informazion e formazion interladina con esperc e testimonials da de autra mendranzes per fèr cognoscer e rejonèr de ladin standard. Dadoman portarà dant si referac Vittorio Dell’Aquila, André Comploi e Nadia Chiocchetti. Do marena via vegn endrezà ejercitazions e n confront con i testimonials moderé da la diretora Sabrina Rasom; la dì se serarà su con na sumèda e proiezions per l davegnir.

Aon rejonà dantfora con la diretora del Istitut Sabrina Rasom e la responsabola de si servijes linguistics Nadia Chiocchetti per entener la rejons de chesta scontrèda, ma soraldut la valuta e l besegn de aer n lengaz scrit unitèr, dit te la linguistica ‘lingua tetto’ o ‘Dachsprache’.

Se pel lejer dut su La Usc nr 20 dai 30 de mé: sul sfoi stampà che se pel troèr ence te la boteighes de sfoes de la valèdes ladines o sul pdf per i aboné al e-paper.


 (Nicoletta Riz)