La Usc di Ladins

Dotours
Dutor Gherdëina
L dutor de servisc da n sada ai 31.05. dala 08:00 daduman nchin la 08:00 daduman de n lunesc ai 02.06. ie l dutor Valentin Tröbinger de Sëlva, tel. 0471/773073 o l 335 684 4944. Ntan l di de festa n lunesc ai 02.06. ie la dutu­rëssa Janine Santifaller de servisc, che ie da urté tl ambu­lature dla dr.ssa Cordula We­ber a Urtijëi, streda Trebinger 10, tel. 377/3132223.
Doturs Val Badia
Ti cin’ comuns dla Val Badia él en sorvisc tla fin dl’edema dl 31 de ma y 1. de jügn, sciöche ince sura la festa nazionala di 2 de jügn, la doturia Margherita Righini, tel. 348 6351943.

Apoteches
Apoteca Gherdëina
L’apoteca che ie de servisc ora dl orar urdiner de giaurida, da n vënderdi ai 30.05. nchin n vënderdi ai 06.06. ie chëla de Fie, tel. 0471/725373 (orar: 8.30-12.30/15.00-19.00, sada 8.30-12.30, stlut mierculdi domesdì. Turnus: sa. 8.30-12.30/16.00-19.00, du. 10.00-12.00).
Apoteca Val Badia
L’apoteca en sorvisc fora dl orar ordinar, dal vëndres ai 30 de ma dales 19:00 al vëndres ai 6 de jügn ales 19:00, é chëra da La Ila, tel. 0471 847152.

Chino
Atualmenter
Al chino de Pardac
En sabeda ai 31 de mé e ence en domenia al prum de jugn da les 21:00 se pel veder »Mission: impossible. The final reckoning« che vegnarà moscià ence en lunesc ai 2 de jugn da les 20: 30. Semper en lunesc ai 2 de jugn da les 17:15 se pel veder »Lilo & Stitch«. Info su www.cinema predazzo.it
Atualmenter
Al chino de Tieser
Insnet vender ai 30 de mé da les 20:30 e en sabeda ai 31 da les 17:00 sarà l spetacol de bal de »Non solo danza«; en sabeda ai 31 da les 21:15 e en domenia prum de jugn da les 17:30 se pel veder »Lilo & Stitch«. En vender ai 6 de jugn da les 20:45 sarà enveze l saggio de fin de an del »Cen­tro danza Tesero 2000«. Info su www.cinematesero.com

Mostres y Ert
Atualmenter
»UTERES« de Claus Soraperra tel Friul
L artist da Cianacei Claus Soraperra à portà sie event artistich UTERES a ?pietar/San Pietro al Natisone te la provinzia de Udin, te la comu­nanza slovena del Friul tel chèder de na fradaa che à tout ite la Majon di Fascegn e l Slovensko multimedialno okno – SMO. Sia instalazion resta fora a la galaria d’èrt Bene?ka galerija enscin ai 15 de jugn.
Atualmenter
Operes de Matthias Sieff a Limone
L’à inom »Presenze« l’esposi­zion che l cognosciù artist da Ciampedel Matthias Sieff met fora tel Parco Villa Borghi a Limone sul Garda. Sia carateriestiches gran operes restarà fora da poder veder per dut istà, enscin al meis de otober.
Atualmënter
Transfiguration: Matter, Identity, Mutation
Tla Galaria Doris Ghetta iel da udëi nchin ai 21 de juni na mostra coletiva Michael Fliri, Judith Neunhäuserer y Oliver Laric.
Atualmënter
Mostra: 30 ani Lia Modelisć Gherdëina
La giaurida dla mostra per festejé chësc iubileum ie ncuei, vënderdi ai 30 de mei dala 19:00 tla Cësa di Cungresc basite y sarà da udëi nchin ai 2 de juni, dala 9 ala 12 dan­mesdì y dala 14 ala 19 do­mesdì. Duc ie de cuer nviei.
Atualmënter
Mostra: L mond di mandala
Tl Café Surëdl a Urtijëi iel metù ora na mostra de Erika Senoner, che jirà inant nchin ai 13 de juni, dal lunesc nchin al vënderdi, 09:00–19:00.
Atualmënter
Mostra: »Countdown to mass extinction?«
Le Museum Ladin á arlungé cina al 31 d’agost la mostra speziala »Countdown to mass extinction?«, da odëi tl Muse­um Ciastel de Tor. La mostra se dá jö cun la plü gran estin­ziun de massa tla storia dla tera, en relaziun cun la crisa climatica d’aldedaincö.
Atualmënter
Mostra de libri por mituns
Tl Museum Ladin Ciastel de Tor a San Martin él metü fora cina al 1. de jügn la mo­stra »Bücherwelten 2025«, cun passa 700 libri por pici y gragn, sön le tema »Iö – tö – nos«. Lapró él n laboratore creatif söl alfabet, por düc chi che vijitëia la mostra. En colaboraziun cun le Südtiroler Kulturinstitut.

Mujiga
30. y 31.05.
Conzerc dl cor »cantus iuvenis«
Le cor da Viena »cantus iu­venis«, tëgn dui conzerc dal titul »Klangreise – Sonns sön tru«, sot la direziun musicala de Mathias Crazzolara. I con­zerc é incö vëndres ai 30 de ma dales 20:00, tl salf dles manifesatziuns da Corvara, y en sabeda al 31 de ma dales 19:00, tl Ragenhaus a Bor­nech.
01.06.
Conzert de la Mùsega Auta Fascia al PalaDolomites
En domenia prum de jugn da le 20:45 tel PalaDolomites a Ciampestrin la Mùsega Auta Fascia porta dant sie Conzert d’Aisciuda. Duc é envié de cher a jir a scutèr.

Religion
Atualmënter
Orars nüs dles mësses a Oies
Al é gnü mudé da püch i orars dles mësses a Oies. Dal mer­tesc ala jöbia él mëssa dales 19:30, dal vëndres ala domënia dales 16:00. Le lönesc n’él degüna mëssa.
07.06.
Jesus’ Kids & Teens – special Summer Edition
La Schiera Junila de Sëlva nvieia mutons y mutans dala terza elementera insù y chëi:les dla scola mesana, a scumencé l instà cun truep juesc, sté de­berieda y aurela curta, cian­tan y perian. N se anconta tl local dla Schiera n sada ai 7 de juni dala 16:00 nchin la 17:30. Per plu nfurmazions 334/7478018.
08.06.
S.

• 
•  

View the embedded image gallery online at:
https://www.lausc.it/manifestazions-y-evenc/29614-manifestazions-atuales#sigProId0e9e162632

Messa Nevela
L Cunsëi de Pluania de Urtijëi nvieia ala S. Messa Nevela cun l primiziant Pater Peter Maria (Wilfried) Insam, n du­mënia ai 8 de juni dala 09:30 tla dlieja de Urtijëi. Do mëssa puderà la cumenanza mo sté deberieda y se maië y bever zeche sun Plaza de dlieja.

Segres y Festes
15.06.
Segra da Bula
La segra da Bula sarà n du­mënia ai 15 de juni. Dala 09:00 saràl la Santa Mëssa y dala 10:00 sunerà la Böhmi­sche da Bula, dala 11:30 la Mujiga de Lengstein. Da marënda puderàn se maië y bever zeche, dala 13:30 jiràla inant cun i »Gipflplattla« y dala 14:30 inant cun mujiga y bona ueia cun la grupa »Schellrodl Musig«.

Sozial
Atualmënter
»Club Boé«
Le grup de autoaiüt »Club Boé« por problems de alcol o d’atres dependënzes s’incunta vigni mertesc dales 20:00, tla Ciasa di Stüdafüch a La Ila altaite. Les porsones de referi­mënt é Hubert (tel. 339 1698343) y Methilde (tel. 335 6977604).
Atualmënter
Bancarela dl mangé a Badia
La bancarela dl mangé é daverta vigni secunda jöbia, dales 9:30 ales 10:30. Le proscim termin é ai 5 de jügn. Al vëgn dé fora da mangé a dötes les porsones dla Val Badia che á debojëgn.
06.06.
Deberieda – Dlieja de St. Konstantin y jì a pé nchin pra l lech
N se anconta n vënderdi ai 6 de juni dala 14:00 dan la Cësa de Paussa a Urtijëi, per jì deberieda a cialé la dlieja de St. Konstantin. Daldò jiràn a pe nchin pra l lech. »Deberie­da« ie na grupa che mët a jì ancuntedes danter ulenteres y persones che à problems psichics o de sozialisazion.
Uni merdi
Marënda per i:la sëura 60
La Lia Sarëinn nvieia duta la jënt sëura i 60 ani a se nuzé de chësc servisc che vën pità uni merdi dala 12:00 (Urtijëi Cësa de Cultura; S. Cristina Cësa de Chemun; Sëlva Stua di Seniores). L ie da se lascé nuté su nchin al di dant da mesdì, cherdan su: per Urtijëi l 3207234396 (Vinzenz), per S. Cristina l 333 1499949, per Sëlva l 335 6558633.
Uni vënderdi
Mëisa dala spëisa
La Lia San Vinzënt de Urtijëi mët a jì uni vënderdi dala 10:00 danmesdì te calonia de Urtijëi basite na mëisa dala spëisa, ulache l vën partì ora roba da maië a chi che à de bujën (che à la residënza a Urtijëi).

Televijion
Atualmënter
Tg Ladin
Orares dl TG ladin menà da Egon Vinatzer: uni merdi dala 19:30 sun Alto Adige Tv, cun repliches uni sada dala 18:15 sun Trentino TV y uni dumënia dala 18:30 sun Alto Adige Tv; repliches nce online.
03.06.
Pizes dla ladinia
Dales 20:50 ca. N program de Manfred Stuffer, produziun Karbonvideo, a cura de Ales­sandro Dapunt.
04.06.
Tassie – la ombries de la rejijes
Dales 20:50 ca. N program de Matilde Gazzini, produziun Media-art, a cura de Alessan­dro Dapunt.
05.06.
Scenar
Dales 20:50 ca. N program de Silvia Murer, produziun Karbonvideo, a cura de Leo Senoner.
Informaziuns
Informaziuns plü menüdes sön i programs de RAI Ladi­nia pôn ciafè sön www.raibz.rai.it – Sun l medem sit i pro­grames TV sarà da vedei sota »Mediateca« y les trasmiscions radio sota »Podcast«.

Radio
30.05.
30 ani lia »Curnacins«
L julé ie bele da for stat zeche de ambiziëus per la persona. Te Gherdëina iel unì metù su dan 30 ani la lia »Curnacins« che tol ite te si lia persones nteressedes al aeromobilism radiocumandà. Per festejé chësc iubileum vëniel metù a jì na mostra ulache l sarà da udëi d’uni sort de julieres, joleri y njins che jola, gran pert metui adum dai cumëm­bri nstësc. L presidënt Ivo Demetz, Armin Runggaldier y Teo Mahlknecht nes conta zeche plu avisa sun l’atività dla lia y sun la pascion de chësc hobby. Trasmiscion de Simon Moroder.
01.06.
Assistënza ala jënt de tëmp – servijes dan man
La persones devënta for plu vedles y per la sozietà ie chësta na ndesfideda nia da puech. Te Gherdëina iel a disposizion deplù sortes de servijes, che juda la persones che à debujën y nce la families. Samuel Rung­galdier, respunsabl dl servisc n cësa dl Servisc Soziel, Monika Perathoner nfermiera dl Servisc saniter y Carmen Bisoffi, respusabla dla cura tla cësad e paussa de Urtijei nes dà nfurmazions de prima man y nes dij cie servijes che l vën pità y cie sort de assi­stënza che l ie dan man. Tras­miscion de Simon Moroder.

Avisc
Atualmenter
Gropes de letura te Biblioteca de Comun de Sèn Jan
L grop de letores Amisc de la Biblioteca de Sèn Jan l é debant e avert a duc, l se bina n’outa al meis te sala junsot la biblioteca. L appuntamento che vegn l é en mercoledì ai 18 de jugn da les 17:30; info te Comun al 0462 764758/9.
Atualmenter
Oraries biblioteca Majon di Fascegn
La biblioteca de la Majon di Fascegn é averta de mèrtesc da les 9:00 a les 12:00 e da les 14:00 a les 16:30, de mercol demò da les 14:00 a les 16:30, i etres dis, fora che de vender, su apuntament. I archivies se pel i consultèr demò su apun­tament de lunesc e de jebia da les 8:00 a les 18:00.
Atualmënter
Nrescida per l plan dl tlima
L Chemun de Urtijëi mët a jì na nrescida anonima per abiné soluzions che porta pro a n svilup sustenibl dl chemun. La cumenanza ie de cuer nvieda a fé pea pra la nrescida, che n abina online (https://de.surveymonkey.com/r/5Z8 DWZL) o sun papier te Che­mun.
Uni lunesc
La Coa: ancuntedes per genitores
Uni lunesc dala 09:30 nchin la 11:00 puderàn se ancunté tl local Matada a Urtijëi per sté deberieda danter mu­tons:ans, mamis y tatis y chi che deventerà tosc genitor. Sëuraprò saràl l mesun de damandé cunsëies ala espertes Karin Planker y Linda Fa­conti. L cost ie de 5€ per cu­mëmbri dla Lia Gaia.
Atualmënter
»Ëres dëida Ëres«
L’ofize a Bornech é da ciafé tla str. Paul von Sternbach nr. 6. Al é davert dal lönesc al vëndres dales 8:30 ales 11:30, le mercui ince dales 15:00 ales 17:00. info@frauen helfenfrauenbruneck.it
Atualmënter
Iniziativa di ëi de Puster – MIP
L’ofize dla MIP–Männer­initiative Pustertal dëida i ëi y peri pro caji de separaziun y pîta aiüt te situaziuns de dificolté. L’ofize é tl Paternsteig nr. 1 a Bornech y é davert lönesc y mercui dales 14:00 ales 19:00, le vëndres dales 8:00 ales 12:00. Contac: 0474 555848, 340 1896431 o info@mip-pustertal.it
31.05.
Repair Café
La Lia per Natura y Usanzes nvieia al Repair Café ai 31 de mei dala 9:00 nchin la 14:00 sun Plaza de San Durich a Urtijëi. L Repair Café ie na ancunteda ulache n possa se lascé cuncé da esperc y esper­tes stofs, draps, guanc, aparac eletrics, rodes y bagli y nce lascé fé tai ai curtiei.
06.06.
Lengac standard te la Majon di Fascegn
L Istitut Cultural Ladin met a jir en vender ai 6 de jugn na scontrèda interladina che à per tema la standardisazion linguistica e l davegnir del ladin. Se pea via te la senta a Sèn Jan da les 9:30 con la registrazion e i intervenc, da les 12:00 l é la discuscion e do marena da les 14:30 i labo­ratories.
Juni
Mpresté trohtes a Urtijëi
Dai 4 de juni inant pòssen uni mierculdi dala 20:00–21:30, mpresté ora trohtes pra la Lia Guant dala Gher­dëina de Urtijëi, tl self dla lies tla Cësa di Cungresc suaut. La trohtes per mutans y mu­tons vën mprestedes ora do­mesdì, ai 4, 11 y 18 de juni, cher­dan su danora l numer de Nadja Moroder 334 526 6014.

Sport
31.05.
Inter Club a Soraga per la Champions
L Inter Club de Fiem e Fascia envia duc i sostegnidores de la squadra neigra e bruna en sabeda al event ofizial endrezà per veder la partida de Cham­pions contra l Paris Saint Ger­­main a Soraga, te la zona artejanala ló da Euroluce – Bar da Molin sul maxischerm led. Dut l é enjignà jà da les 17:00 inant.
07.06.
Dolomites Saslong Half Maraton
La mesa maratona ntëur ala Grupa de Saslonch ruva a si setima edizion: l vën pià via sun Pana dala 09:00, ulache l sarà pona nce l travert. L’iscri­­zions ie daviertes y vën tëutes su mé tres l portal ENDU, l link ie da abiné sun la plata www.saslong.run.

Referac
06.06.
Manejé mort, plura y perduda
Tla biblioteca »Tresl Gruber« a S. Cristina vëniel metù a jì n cërtl de dialogh y baraté ora de minonghes sun co ma­ne­jé mort, plura y perduda. L apuntamënt ie ai 6 de juni dala 19:00. Referënta: Sara Profanter.

Iadi y Jites
07.06.
Jita sun l Sarlkofel
La Lia da Mont Gherdëina mët a jì na jita sun l Sarlkofel (2.378 m). L sarà da jì feter 5 ëura, cun n deslivel de 1.000 metri. Per plu nfurmazions: Ivan (348 7803397) o Silke (339 7160765).