La Usc di Ladins

Chisc dis i áldon indô, i bikers. Ai stá stagni sön sü motors da strada, puzená sö, desco ressoris dala sajun morta da d’invern. La gran pert vëgn dai Paisc Todësc por mirit dla festa dl’Assënza/Palsacrusc. Cun chësc tëmp cialdin, la pröma aisciöda pordërt de chësc ann, mësson jí alaleria, y ince cun vitalité y n pü’ de mazamënt por descedé sö le monn, y ciodí pa nia: la natöra cun so cianté di vicí che é zënza massa idilica, ducia y inchersciora. Milesc de mascins da strada é passa­des sura le Prener ite, por arjunje le Süd, la »Bella Italia«, cun le Lech de Garda, y sce chël é massa mono­tonn por le motor: nüsc jus dolomitics y nostes vals. Tl’aria él liberté de vigni vers, godimënt y divertimënt! (Comentar de Iaco Rigo)

De plu tla edizion stampeda de La Usc di Ladins o sun l e-paper a paiament www.lausc.it/e-paper