La Usc di Ladins

Ntëur la Gran Santa Maria à l lëuf te doi nuetes zarà diesc biesces, l fova danterite nce vel’ aniel. Per l paster ne n’iel na situazion nia saurida: coche nes à cuntà la osta de Stevia muessen śën uni sëira abiné adum la feter catercënt biesces y les purté te n tòch de pastura sivà ite cun na gran sief a lectrisc. N spera che n sibe boni de les stravardé nscila dal lëuf.

L ne n’ie nia l prim iede che l lëuf va a ciacia sun Stevia: ti ultims ani iel plu suvënz suzedù, for ntëur la Gran Santa Maria, che l ie unì zarà biesces. La osta miena, che da chësta sajon se chier i lëufs jëuni n revier da ciacia nuef. Per ntant ne n’uelen mpo no tò ju la biesces de Stevia, n les uel lascé mo mpue sun pastura y n spera propi che l lëuf les lasce n pesc.

EK