La Usc di Ladins

Alessia, tö es mefodër gnüda zoruch da en iade Interrail, poste nes cunté ci che chël é?
Alessia Costabiei »Sciö, Interrail é en proiet europeich da jí por en mëns con la ferata debann te plü paisc, resservé ala jonëza. An pó se lascé scrí ete al program con 18 agn fajenn para en quiz, spo ciáfon resposta por la maiú pert positiva, y al é spo da jí tal tomp d’en ann. Con la ferata de­­bann pón jí cina endöt set dis.«

Tö es stada con en grup?
»Nos ên cin’ compagnes de scora, i se conescên dër bun.«

Olá sëise pa stades endlunch?
»I sun piades ia da tlo y i sun jü­des a Berlin, spo a Kopenhagen, da tlo anse fat en salt ince tla Svezia a Malmö – an á ma 40 minuc cola ferta da jí. Dedô sunse jüdes cina Paris: i án albü catordesc ores de iade, mo i ên tan stances, che döt é passé de­bota. Da Paris sunse jüdes ennant a Barcelona, da Barcelona spo a Madrid. Da Madrid sunse jo­rades zoruch tla Talia, spo podênse ciamó tó la ferata da Verona cina a ciasa.« (IR)