La Usc di Ladins

Do na sajon cumplicheda, ntan chëla che l HC Gherdëina à cun gran fadia arjont la cualificazion ai Pre-Playoffs, se à l HC Gherdëina parà ite la manies. Ntan l instà se à i respunsabli dla Furies purvà das­sënn a abiné ca de bon jugadëures per la sajon che vën tla Alps Hockey League, do che duc i furesć che jugova l ann passà per la scuadra se n ie jic.

Ai 4 de agost à l Gherdëina scumencià a se alené. Nce doi juesc de amezizia contra i ujins de Fascia, che jugherà tla Italian Hockey League, fova bele sun l prugram.

La prima partida, de n merdi ai 12 de agost tl stadio Pranives te Sëlva, à la Furies venciù diesc a cater. Contra i Fascia Falcons ài desmustrà de avëi n bon spirt de scuadra, veluzità y ueia de tuché la porta. Chësc lunesc, ai 18 de agost iesen furnei via n Fascia per jughé mo n iede contra i ujins ladins. Y tlo à l Gherdëina inò venciù 6 a 0.

L ie da dì che i fulestieres che l Gherdëina à abinà ca per la sajon nueva ne n’à mo nia fat pea pra chisc doi juesc. I ne n’ie mo nia ruvei te Gherdëina, ma n valguni scumencerà a se alené te Sëlva chëst’ena y n valguni chëst’ena che vën.

EK

L articul ntier tla edizion nueva de La Usc di Ladins de n vënderdi ai 22 de agost.