La Usc di Ladins

La Jonta provinzièla à aproà enstadì la terza revijion del Pian del becherle, l strument che met dant la strategies per monitorèr e contegnir l slariament del inset che, en particolèr do l tormen Vaia, à fat gregn dans ai bosć trentins. L nef ajornament, ruà sui desć del esecutif su proponeta del assessor provinzièl ai bosć Roberto Failoni, tol su i dac più neves sul sparpagnament del inset e sun chel che l é stat fat per se parèr. »I dac ne disc che la ponta più auta de l’epidemia l’aon arjonta – l à sotlineà l assessor provinzièl – ma chest no vel dir che no podon più se cruzièr. En particolèr tel setor oriental, ti distrec de Ciavaleis e Primier, l é amò aut l numer de insec che vegn ciapé e ence l pericol che l posse amò se slarièr fora. L Pian ajornà ne permet de esser ascorc e enjigné e seghitèr a defener l patrimonie di bosć trentins con intervenc miré e tel temp giust«.

Se pel lejer dut su La Usc nr 32 dai 22 de aost: sul sfoi stampà che se pel troèr ence te la boteighes de sfoes de la valèdes ladines o sul pdf per i aboné al e-paper.


 (MCI)