La Usc di Ladins

»Láscenes lecurdé chësc mumënt, l ie pu tan daujin y mpo bele demez. Formes che sfanta, culëures che smarësc, tòc che resta. Nsënienes a udëi, a capì cie che resta, per ne desmincë nia cie che fova«, nscila iel scrit sun la vedrina dl Circolo. L ie puecia paroles che spiega te na maniera tlera chël che ie l messaje dla mostra »Fragmenta«, na mostra cun opres de Rebecca Korb, Melanie Schindler y Katharina Schreiter de Leipzig. Tla mostra, che n à naugurà l’ena passeda a Urtijëi, àles metù ora lëures che conta de cosses che n à perdù, de zeche che ie jit ndo­lauter, de lecorc da defet y de coche n ne vëija nia for dut. 

EK

L articul tla edizion atuela de La Usc di Ladins.