La Usc di Ladins

La sajun da d’isté é tan co tl se rové y cun ëra se stlüj jö le program dl festival musical »Badiamusica«, che á acompagné i amanc dla musica classica fora por la sajun cialda pitan önesc apuntamënc cun musizisć profescionisć da dötes les perts dl Südtirol, dla Val Badia y da foradecá. 
La 25ejima ediziun á metü al zënter la tematica dl ambiënt y á alzé fora la storia y la cultura ladina. Lapró á chësta ediziun daurí les portes ala sperimentaziun, portan adöm deplü mesi de comunicaziun y lascian pro combinaziuns nöies. 
Le festival musical á oramai arjunt na sort de madoranza y na süa iden­tité, sciöche le diretur artistich Franz Comploi â anunzié ala conferënza stampa desfirada tl mëteman dl isté. Scebëgn che la musiga classica romagn la spëisa primara dles der­zades portades sön mësa dal comité dl’Uniun Badiamusica, él gnü lapró na garnitöra che á porté val’ novité. Esibiziuns sciöche chëra dl »Duo Enßle Lamprecht«, che s’á desfiré ai 27 de messé pro la dlijia de Santa Berbura a La Val y dedô é jüda inant ti locai dl’Ostaria Vedla, o chëra che s’á desfiré danter i mürs storics dl Ciastel de Tor cun le »Trio Anthelia« ai 22 d’agost, che á descedé l’interes de nia püc spetadusc.



Liede inant tla ediziun nöia de vëndres ai 5 de setëmber!