La Usc di Ladins

Noscia val l’à semper abù na fona tradizion musicala, mascimamenter tel ciamp populèr coi gropes folk, la museghes, i cores da mont e chi de gejia. Ben segur che l enteres e la pascion per chesta sorts de musega nasc te cèsa e fin da bec se à de più ocajions per les scutèr te nesc paijes. Alincontra, no l é coscita sorì aer l met de cognoscer stei desvalives, desche chel classich o chi che vegn ca da autra cultures. Te la valèdes de Fiem e Fascia l Ensemble Canticum Novum da Moena, desche cor polifonich, l é stat bon de meter dant ti egn n repertorie che se tol fora de anter con cianties da devozion e profanes di gregn componisć classics desche Mozart, Schubert o Vivaldi, toc medievai e del Cincent e museghes etniches e de la tradizions de dut l mond. 
Zenz’auter l é senester troèr bec e joegn che scouta musega de chesta sort e amò de più che i cianta te n cor con n repertorie defenì da spes ‘empegnatif’. Defat, ti conzerc de chest istà, de tenc se à fat na gran marevea tel veder tropes joegn: estrapede a n grop de touses e tousc che fèsc pèrt del Canticum jà da dotrei egn, se à jontà ite cinch bezes anter i 13 e i 15 egn.

Se pel lejer dut su La Usc nr 34 dai 5 de setember, che se pel troèr ence te la boteighes de sfoes. Sul sit www.lausc.it se per fèr l abonament al e-paper per ciapèr vigni vender l pdf a cèsa.


 (Sara Defrancesco)