La Usc di Ladins

Le Sas dla Crusc, la cronica dla Val Badia, é bëgn la publicaziun plü importanta che la Uniun di Ladins Val Badia dá fora, y ince chë publicaziun che la jënt aspeta forsc le plü ert, fora por l’aisciöda. Bele de ma él gnü fora la ediziun numera 48, che é indô gnüda tuta sö dër bun dala jënt de nosta valada. Por fá n pice resocunt, ciaré ci che á buté y ci manco, y ince ciaré danfora ala cronica dl ater ann, él gnü tigní en jöbia dl’edema passada na incuntada cun cronistes y cronisć y düc chi che colaborëia. Sciöche al sozeda bindicé, él ince sté en chësc iade valgönes mudaziuns de cronistes che vëgn y chëres che vá. Insciö tl paisc da La Ila, olache an á odü le "debut" de Sara Frenademez y Sabrina Gasser, a San Ciascian olache la Cronica é gnüda curada da Milena Obwegs y a Lungiarü, olache Miriam Clara á chësc ann fistidié da cunté i avenimënc fora por l’ann. Ala reuniun á tut pert ince Arcangelo Obwegs, che podess surantó tl dagní la pert d’Al Plan.

Deplü podëise lí t’La Usc di Ladins di 5 de setëmber  (pablo)