La Usc di Ladins

Se à serà su le coltrine de n’autra edizion de Istà Algegra, n’autra edizion speziala che à viventà i dis de messal e aost de passa 200 bec e beze de Moena, Soraga e ence valch forest che stasc chisc doi meisc te val. La se à serà su con l bel spetacol final endrezà te teater de Navalge en vender ai 29 de aost dal titol »Bar Istà« che à vedù la partezipazion de n centené de bec e beze anter atores e chi che se à cruzià de dut chel che serf dovia. L copion chest’outa à metù dant la storia de la zompa situazion del Bar Istà che no à più avantores, no l vadagna più nia, no l é bon de paar le speise e l risia de cogner serar. Zachei se dasc le man dintorn e i endreza coscita tante ocajion de vadagn per l bar che l é bon de se tirar fora da le petole: feste de ogne sort, noze, film da tor su e perscin funerai. L ensegnament de dut chest biteboi e chest viavai l é che ‘voler l é poder’ ence tedant a le dificoltà e ben segur che ‘l’union fasc la forza’. Na forza e na union che se à vedù te ogne moment: da le scene, dai bai feruscoi, da la band de sonadores, da la legreza sun ogne mus. 

Se pel lejer dut sul nr 34 dai 5 de setember, olache l é ence n muie de retrac. La Usc la é ence te la boteighes de sfoes; sul sit www.lausc.it se per fèr l abonament al e-paper per ciapèr vigni vender l pdf a cèsa.


 (Monica Cigolla)