La Usc di Ladins

L se trata tlo de na storia antica de n prudot naturel per lavé dantaldut guant da culëur, che ie mpue unì desmincià via. La butëighes dl mond uel inò fé cunëscer chësc al marcià, pervia de si fazion naturela sun persona y ambient.

»Sapindus Mukorossi« ie n lën de ntëur chindesc metri dl'India y dl Nepal, sun chël che l crësc ti mënsc de merz y auril flëures blances. Plu tert vëniel ora de pitli fruc turonc de culëur or.

Te chisc crëscel na cucia dura che n tol a fé fuech. La crosa ntëurvia ie tëndra y cuntën saponina che se dlëiga tl’ega ciauda de almanco 30 degreies. La jiefa fej fazion sun la besc te na maniera naturela y ar­jonj de bon resultac n con’ de neté. Permez ai polvri da lavé tradi­ziunei ne cuntën la cucia deguna sustanzes chimiches.

Per la grupa Butëiga dl Mond Gher­dëina, Manuela Piazza

L articul tla edizion atuela de La Usc di Ladins.