La Usc di Ladins

L’Uniun Teater Calfosch á dé le via ala sajun teatrala cun le toch »Baujies, nia ater co baujies«. Por le secundo iade röia sön paladina i mëmbri dl’Uniun Teater Calfosch, che é gnüda metüda sö presciapüch dan da n ann. Le toch porté dant iniann é traslaté dal todësch tl ladin y é gnü arjigné ca sot ala regia de Ellen Alfreider, che por le pröm iade á acompagné la grupa de teater sciöche regista cun l’aiüt de Annemarie Schenk.

Do da na preparaziun lungia, scomenciada devers dla fin de ma cun les prömes proes, á la grupa davert les portes dl salf dles manifestaziuns a Corvara, olache la rapresentaziun teatrala se desfira dötaorela. Inant él ciamó meso da jí a ti ciaré chësta fin dl’edema ai 10 y ai 12 d’otober.



Deplü da lí ciafëise tl'ediziun nöia de chësc vëndres, ai 10 d'otober!