La Usc di Ladins

Povester cunësc vel’ un o vel’autra de vo bele l jëunn de Sëlva Tobias Demetz. La Usc ova bele n iede repurtà de ël: te cësa tenìvel aranies o beches. Si pascion per chisc tieres të cësa ie unida mëndra.

Al mumënt ie si focus y si majer nteres pra la verdura y la versura y l lëur te verzon. L à fat l lizeum scientifich direzion biologia. Bele te chëi ani iel nscila nasciù la pascion per la sperimentazions y dut cie che à da nfé cun l ciamp dla natura.

Tobias Demetz nes à cuntà che ti se verzon a 1.515 metri sa Ronc te Sëlva iel chersciù n zuchin de 77 zentimetri de lunghëza cun n pëis cumplesif de 8,7 chili.

Julia Lardschneider

L articul tla edizion atuela de La Usc di Ladins.