La Usc di Ladins

Al mumënt iel mo 403 persones tl lëur de fé i trëi ani de curs y n spera che trueps sibe boni de finé. L debu­jën de maestres y maestri ie grant.
Robert »Robi« Demetz ie l presi­dënt dla Majon pruvinziela di maestri che à al mumënt 2.227 scric ite. Aldò de Demetz ne n’ie l lëur de maester de schi, snowboard o pudejé nia mé chël de nsenië ju turisć a fé de bela raides sun la nëif; l ie scialdi de plu. »Deguni ne n’ie tan scialdi y tan giut deberida cun l patin. Degun hotelier, ost o auter ie per plu ëures al di che rejona y se dà ju cun l turist: l maester ne nsënia nia mé la tecnica dl sport dl schi, ël ti conta de nosta natura, de nosta montes, de nosta cultura, l ie na persona che à na gran respunsabltà y nce na gran ucajion per ti purté plu daujin nosta valeda a chi che vën da oradecà«, nscila l presidënt. 

Dut l articul cun i inuemes di maestri nueves deberieda cun na ntervista pudëis liejer tla edizion nueva de La Usc di Ladins che vën ora chësc vënderdi ai 31 de utober.