La Usc di Ladins

I uedli di pasciunei de tennis dl Sudtirol cëla chëst'ena de viers de Gherdëina. Tl Zënter dal tennis de Sëlva mët l TC Gherdëina a jì n turnoi di ëi, pra chël che l fej nce pea altec de nosta valeda. Danter i atlec de livel mundiel saràl chisc dis inò da udëi te Sëlva Giovanni Oradini. Ël ova l ann passà venciù l turnoi y l ie al mumënt al 377ejim plazamënt dl ranking. 

I atlec da tlo che fej pea
Chëst ann à Patric Prinoth y Erwin Tröbinger, tramedoi de Sëlva, giapà na "wild card" per la tofla prinzipela, i possa donca fé pea zënza messëi fé la cualificazions.

Per la cualficazions de n dumënia ova nce Tim Stuffer de Sëlva giapà la puscibltà de fé pea, coche nce Peter Iackub Homola, n atlet italo-slovach che ie da permò unit a sté te Sëlva, y Daniel Haller, altet dl Sudtirol che se alenea te Sëlva. Purtruep ne n'ie degun de chisc atlec stat bon de vëncer y nscila ie l turnoi per ëi tosc stà finà.


EK