La Usc di Ladins

Dotours
Dutor Gherdëina
L dutor de servisc da n sada ai 18.10. dala 08:00 daduman nchin la 08:00 daduman de n lunesc ai 20.10. ie l dutor Simon Kostner de Sëlva, tel. 347 2297492.
Doturs Val Badia
Le dotur en sorvisc ti cin’ comuns dla Val Badia, tla fin dl’edema di 18 y 19 de otober, é le dotur Eduard Agreiter, San Martin de Tor, tel. 0474 523315 o 333 1380852.

Apoteches
Apoteca Gherdëina
L’apoteca che ie de servisc ora dl orar urdiner de giaurida, da n vënderdi ai 17.10. nchin n vënderdi ai 24.10. ie chëla de Ciastel, tel. 0471/706323 (orar: lu-ve 8.30-12.00/15.00-19.00. Turnus: sa. 8.30-12.00/16.00-19.00, du. 10.00-12.00).
Apoteca Val Badia
L’apoteca en sorvisc fora dl orar ordinar, dal vëndres ai 10 d’otober dales 19:00 al vëndres ai 17 de otober ales 19:00, é chëra da La Ila, tel. 0471 847152.

Cursc
Atualmënter
Iscrizions: Balé cun mujiga da dut l mond a Urtijëi
L KVW Urtijëi nvieia a chësc curs cun la referënta Gabriella Senoner. N se anconta l prim iede ai 30 de setëmber dala 17:00 tla Sala de Calonia. L curs jirà inant mo 9 iedesc, for de merdi dala medema ëura. Per nfurmazions y per se scrì ite: Gabriella Senoner, 329 0694818.
25.10.
Workshop cun Max Castlunger
En sabeda ai 25 d’otober dales 10:30 ales 12:00 vëgnel tigní tl Museum Ladin n workshop por mituns da 8 agn insö – acompagná – olache al gnará soné cun deplü stromënc dla mostra »Upcycling Music«. Al n’ó nia ester conescënzes de musiga. Max. 20 parte­zipanc. S’anunzié a prenota ziuns@museumladin.it o al 0474 524020.
29.10.
La Val: Ginastica de prevenziun
Le KVW y le Consëi de forma­ziun da La Val mët a jí 5 in­cuntades de ginastica de prev­enziun (»Gesundheitsgym nastik«) cun Marlene Trebo. Ai 29 d’otober, ai 5, 12, 19 y 26 de novëmber, tres dales 8:30 ales 9:30, tl pice salf de Comun a La Val. Max. 12 por­sones. Info y iscriziuns pro Albina Sottara al 334 1310963
22.11.
La Ila: curs de pröm aiüt
Le KVW La Ila organisëia n curs de pröm aiüt adöm ala Crusc Blancia, en sabeda ai 22 de novëmber dales 14:00 ales 18:00, tla sënta dla Crusc Blancia Alta Badia a La Ila, str. Boscdaplan 101. Le curs é debann por i scric ite ala Crusc Blancia, 40,00€ por i atri. Min. 6 y max. 16 porso­nes. Prenotaziuns al 328 8662333 anter i 8 de novëmber.

Temp Lede
18.10.
Decurazions per l autonn
Tla biblioteca Oswald von Wolkenstein te Sëlva vëniel metù a jì n domesdì de pa­stelné per granc cun Erika Pitscheider, n sada ai 18 de utober dala 14:30 inant. Nfur­mazions y iscrizions tla biblio­teca de Sëlva, 0471 772181.
19.11.
Batadù da 64
La grupa „Artejans n Pension“ nvieia al batadù da 64, n sada ai 25 de utober dala 14:00 inant tla gran sala de Chemun a S. Cristina. N puderà se scrì ite n chël di dala 13:00 inant cherdan sun Giuliano al 333 4826730 (Iscrizion: 20 €). L ne mancerà nia velch da maië y da bever y n puderà vëncer de biei pesć.
21.10.
Sëures y rezetes – Cuba
La Counsulta per l ntegrazion de Gherdëina nvieia a chësta ancunteda culinaria ai 21 de utober dala 18:30 tl Saut a Urtijëi. Chëst iede cujineràn cuban. Per se nuté su (posć limitei): 0471 798015. Da paië ite: 10 €.
22.10.
La storia de »Miko sun l viac de viers di culëures«
Tla biblioteca Oswald von Wolkenstein de Sëlva vëniel cuntà la storia de Miko sun l viac de viers di culëures, cun Michaela Kostner y Achim Pasolli, n mierculdi ai 22 de utober dala 14:30. Daldò uniràl mo pastelnà deberieda.
18.10.
»Disco Vintage Party over 30«
En sabeda ai 18 d’otober dales 21:00 vëgnel metü a jí a Cor­vara la »Disco Vintage Party over 30«, tl salf dles manifesta­ziuns »Franz Angel Rottonara«. Na festa cun n edl söla soli­darieté a bëgn dl’assozia­ziun »Kinderherz«, che sostëgn mituns che vëgn al monn cun n defet al cör. Al tolará pert ala serada DJ Gilba, cun la partezipaziun dla uniun »Line Dance« de Gherdëna.
25.10.
La Pli: Cianté d’ostaria
En sabeda ai 25 d’otober dales 20:00 inant él te Ciasa dles Uniuns na sëra por cianté en compagnia, sot al titul »Les 4 sajuns te 4 usc«. Organisa­ziun: Cor de dlijia da La Pli.

Sozial
Atualmënter
Ciamena dal guant a La Ila
La Ciamena dal guant por mituns »Neores« a La Ila é daverta vigni vëndres dales 14:00 ales 15:30, te local sura i stödafüch a La Ila Alta.
Atualmënter
»Club Boé«
Le grup de autoaiüt »Club Boé« por problems de alcol o d’atres dependënzes s’in­cunta vigni mertesc dales 20:00, tla Ciasa di Stüdafüch a La Ila altaite. Les porsones de referi­mënt é Hubert (tel. 339 1698 343) y Methilde (tel. 335 6977604).
Atualmënter
Bancarela dl mangé a Badia
La bancarela dl mangé é da­verta vigni secunda jöbia, dales 9:30 ales 10:30. Le pro­scim termin é ai 23 de oto­­ber. Al vëgn dé fora da mangé a dötes les porsones dla Val Badia che á debojëgn.
Atualmenter
Portel de scout mediazion familia
L Comun General de Fascia con ALFID Onlus à avert n portel de scout, orientament e mediazion familiara per la relazions te cèsa. L é avert a duc e debant a Sèn Jan te Stra­da di Pré de Lejia 12 su apuntament tras l secretariat ALFID (0461 235008 – 375 8366271) duc i dis con orarie 8:30-12:30 e 14:00-18:00 o teras mail a sportellocgf.alfid@gmail.com.
Uni merdi
Marënda per i:la sëura 60
La Lia Sarëinn nvieia duta la jënt sëura i 60 ani a se nuzé de chësc servisc che vën pità uni merdi dala 12:00 (Urtijëi Cësa de Cultura; S. Cristina Cësa de Chemun; Sëlva Stua di Seniores). L ie da se lascé nuté su nchin al di dant da mesdì, cherdan su: per Urtijëi l 3207234396 (Vinzenz), per S. Cristina l 333 1499949, per Sëlva l 335 6558633.
17.10.
25 ani Café Surëdl
N ucajion dl aniverser nvieia l Café Surëdl a na mostra dl Fotoclub Gherdëina dal titul «25 ani de ntegrazion tl Mond dl lëur», ncuei vënderdi ai 17 de utober dala 16:00 inant.
10. – 17.11.
Nadé tla scatora dai cialzá
Ince chësc ann vëgnel metü a jí l’aziun »Nadé tla scatora dai cialzá«, por ti porté n pü’ de ligrëza a mituns y mitans de paisc manco fortuná. Tla Val Badia pón dé jö i poc dai 10 ai 17 de novëmber a La Ila, pro Alma Flatscher (Garni Ambria), tel. 333 6769105.
17.10.
»Deberieda«: Törggelen dal Dillerhof a Albions
N se anconta dan la Cësa de Paussa a Urtijëi dala 14:00. »Deberieda« ie na grupa cun ulenteres che mët a jì ancunte­des per persones che à pro­blems psichics o de sozialisa­zion.
20.10.
La sanità de la eles
I Assessorac del Comun de Sèn Jan à endrezà na lingia de scontrèdes su la sanità de la eles: bonstèr e prevenzion, te sala de Comun a Poza da les 20:30: ultim apuntament en lunesc ai 20 »Benessere della donna in perimenopausa–Terapia nutrizionala e ormo­nala« con la dr.a Monica Costantini.

Iadi

• 
•  

View the embedded image gallery online at:
https://www.lausc.it/manifestazions-y-evenc/30534-manifestazions-atuales#sigProIdb8dc0c3e47

y Jites
18.10.
Jita cun Törggelen
La Lia da Mont Gherdëina mët a jì chësta jita ai 18.10. N furnerà cun la curiera nchin a Antermoia y da ilò jiràn nchin a Rina, ulache n maierà zeche ora de flucion, per jì pona nchin a Onach a Törg­gelen, ulache l sunerà nce na grupa de mujiga. Infos y iscrizions (28€ per scric ite): dai 13 - 16 de utober per whats­­app da Monica 339 6563015 (scrijan l inuem y ulache n sënta su).

Chino
Atualmenter
Al chino de Cianacei
L é tacà ite la programazion de la sociazion Kino. Insnet, vender ai 17 de otober da les 20:30 l é »La voce di Hind Rajab«, en domenia ai 19 da les 17:00 l é n film per la fa­milies «Fantastic Mr. Fox« e da les 20:30 l é » Esprimi un desiderio«, mercol ai 22 da les 19:00 per la ‘rassegna eco da la valèdes’ l é l film «Into the wild«, vender ai 24 da les 20:30 l é »La vita di Chuck«.

Teater
31.10.
Teater a La Ila
L’Uniun Teater La Ila é tl laur da arjigné ca le teater da rí »Döta colpa de Mona Lisa«. La rejia é de Erika Castlunger. Sön paladina él da odëi: Ales­sandro Bonfanti, Amy Crazzo­lara, Marco Moscon, Tobias Stampfer, Andreas Peccei, Andy Pizzinini, Ro­land Pizzi­nini, Sabine Rudi­feria y Su­sann Tavella. Les rapresenta­ziuns é: vëndres 31 de otober dales 20:30, domënia 2 de novëmber dales 17:00, mertesc ai 4, vëndres ai 7, sabeda ai 8 dales 20:30 y domënia 9 de novëmber dales 17:00 tla Ciasa de Cultura a La Ila. Preno­taziuns: 352 0949399.
Atualmënter
L cunicio de peza
La grupa Teater Sëlva nvieia al tea­ter »L cunicio de pe­za«, tla Cësa de Cultura de Sëlva, ai 17., 22. y 25.10. dala 20:30, y ai 19.10. dala 17:00. Chertes danora: ufize de Turism de Sëlva, tel. 0471 777900.

Mujiga
18.10.
Patrizia Laquidara a Pardac
Doman, sabeda ai 18 de otober da les 21:00 tel chino teater de Pardac per la rassegna MusicAutunno conzert de Patrizia Laquidara, ciantau­tora e musizista che viaja anter stories e etnies.
18.10.
Rassegna di cores da mont de Fiem
Doman, sabeda ai 18 de otober da les 20:30 tel Palafiem de Ciavaleis l é la 46^ rassegna di cores da mont. Tol pèrt i cores Negritella de Pardac, Stelune e Coronelle de Ciava­leis Val Lubie de Varena, Männergesangsverein de Tro­dena, Genzianella de Tieser, Enrosadira de Moena Rio Bianco de Pancià.

Referac
18.10.
Ciodí che i »nou« ó ester por la chersciüda
En sabeda ai 18 d’otober dales 19:30 él tl gran salf dl Istitut Ladin a San Martin le referat »Ho detto no e poi no!!!«, ola­che al vëgn splighé ciodí che i »nou« vá debojëgn por na chersciüda sana. Referënta é la dra. Giuliana Franchini. Orga­nisaziun: Consëi de for­maziun da San Martin de Tor.
20.10.
Brocoli ie sane, ciculata fej cuntënc
N ucajion dl di dla biblioteches nvieia la biblioteca de San Durich a Urtijëi a na sëira cun Ivonne Daurù n con’ dl maië y de coche l possa nes nfluenzé – ai 20.10. dala 20:00.
22.10
Limic tl’adolescënza
Le Consëi de formaziun da San Martin mët a jí n referat cun le dr. Giuseppe Maiolo, dal titul »Limic y proibiziuns tl’adolescënza«. Le referat vëgn tigní en mercui ai 22 de novëmber dales 19:30, tl gran salf dl Istitut Ladin a San Martin de Tor. Organisaziun: Consëi de formaziun da San Martin de Tor.
22.10.
Passé inant na dita o n lüch
Le KVW da La Val inviëia a n referat cun l’avocat Paul Ma­ieron, che baiará dla tema­tica »Passé inant na dita o n lüch«. Le referat vëgn tigní en mercui ai 22 d’otober dales 20:00, tl salf dles manife­staziuns da La Val.

Publizistica
25.10.
100 ani Cor y Urchestra
L cor y l urchestra de dlieja der Urtijëi nvieia duc i simpa­tisanc ala prejentazion dl liber »100 ani Cor y Urche­stra de dlieja Urtijëi«, ai 25.10. dala 20.00 te Cesa de Cungresc a Urtijëi. Te chësta ucajion uni­ràl nce dat ora l liber.

Televijion
Atualmënter
Tg Ladin
Orares dl TG ladin menà da Egon Vinatzer: uni merdi dala 19:30 sun Alto Adige Tv, cun repliches uni sada dala 18:15 sun Trentino TV y uni dumënia dala 18:30 sun Alto Adige Tv; repliches nce online.
21.10.
Deboriada
Dales 20:50 ca. Test y regia Ivan Senoner, produziun Penn­pro, a cura de Leo Seno­ner.
22.10.
Cuartet leterar – Iaco Rigo
Dales 20:50 ca. Test y regia Rut Bernardi, produziun Fusago, a cura de Alessandro Dapunt.
23.10.
Mendret
Dales 20:50 ca. Test y regia Matilde Gazzini, produziun Media-art, a cura de Ales­sandro Dapunt.
Informazions plu menudes sun i programs de RAI Ladi­nia pòn giaté sun www.raibz.rai.it – Sun l medem sit sarà i programs TV da vedei sot a »Mediateca« y les trasmi­scions radio sot a »Podcast«.

Radio
17.10.
Martin »Puciacia« jola cun l aliant
L jëun Martin Prinoth de S. Cristina ie pilot de parapënd ma nce de aliant. Ël nes conta de chësta si pascion dl julé cun l aliant se nuzan dl vënt y dl’aria ciauda y che ti permët de julé nce scialdi alauta y dalonc zënza fé fuera y emi­scions. Trasmiscion de Alex Runggaldier.

Leteratura
24.10.
Letura y depënc
La manifestazion culturela cun Nadia y Klaus Rungger sarà n vënerdi ai 24 de utober dala 19:00 tla biblioteca a Tramin. Do na letura jiràla inant cun la vernissage tla cësa Menapace pra l Chemun. Tres la sëira mëina Adina Guarnieri.

Mostres y Ert
Atualmenter
Mostra a Nomi de Adolf Vallazza
Dai 27 de setember ai 30 de otober al Granaio de Nomi se pel veder la mostra ‘Arca­ismi’ de Adolf Vallazza con oraries: da mercol a sabeda da les 16:00 a les 19:00. Inau­gurazion con l artist en sabeda ai 27 da les 17:30.
Atualmenter
Sieff en mostra a Rorei con Ligabue
A la Manifattura Tabacchi de Rorei l é la mostra ‘Incontr­Arti’ con operes de Antonio Ligabue, Flavio Zoner, Piero Devilli e del fascian Matthias Sieff. Averta fin ai 26 de otober dal mèrtesc al vender h. 17:00-20:00, sabeda e domenia h. 10:00-12:00/17:00-20:00. Operes de Sieff é fora fin ai 31 de otober ence al Parco Villa Boghi de Limone sul Garda.
Atualmënter
Nibl n Tiera – Ketty Gobbo
L Circolo–Lia Mostra d’Ert nvieia ala giaurida dla mostra ncuei, 17 de utober dala 20:00 tl self dla mostres dla Lia Mostra d’Ert. La mostra resterà davierta nchin ai 9 de nuvëmber, merdi – vënderdi: 16:00-19:00, sada y dumënia: 10:00-12:00 y 16:00-19:00. De lunesc iel stlut.
Atualmënter
Mostra »Le lu é chiló«
Te Ciasa dl parch a Al Plan él da odëi fina al 31 d’otober la mostra »Le lu é chiló«, olache al vëgn tematisé le lu che popolëia indô i raiuns dles Alpes, la reaziun dla porsona y co che la presënza dl lu müda nos, nostes contrades y la manira da tigní tiers.
Atualmënter
Upcycling Music
Tl Museum Ladin Ciastel de Tor él da odëi cina ai 2 de novëmber la mostra »Up­cycling Music«, de y cun Max Castlunger, che mët fora sü stromënc reziclá.

Avisc
17-18.10
Simposie Top Wine
En vender ai 17 e en sabeda ai 18 de otober la SITC e la Sociazion Sommelier de Fascia e Fiem endreza sun Sas Pordoi l Simposie Top Wine 2950. En vender l é la masterclass col sommelier Roberto Anesi e en domenia da les 10:00 a les 17:00 se pel tor pèrt al event enogastrono­mich più aut de la Tèlia.
19.10.
Benvegnù a don Mario Bravin
En domenia ai 19 de otober Mazin, Pera, Poza, Vich e Soraga ge dèsc l benvegnù a don Mario Bravin, che apede a Ciampedel, Cianacei e Dèlba l tol su ence la 5 parochies de la Val de sot. Se se bina da les 13:30 dedant al Comun de Sèn Jan per jir en procescion fin te gejia de Poza, olache vegn dit messa grana e dapò sarà mingol de festa.
24.10.
Prejentazion liber ‘Hände auf Tirol’
En vender ai 24 de otober da les 20:30 a La Gran Ciasa a Soraga i Shizeres de Fasha endreza la prejentazion del liber ‘Hände auf Tirol’ de e con l autor Giuseppe Matuella.
29.10.
L tëmp che resta
L referat cun Dr. Daniela Moroder, psicologa tl ciamp paliatif n con’ de co ti jì permez a l’ultima fasa dla vita ie unì spustà al mierculdi, 29 de utober (mpede la juebia ai 22.10.) dala 16:00 te Sala de calonia, Urtijëi.
Atualmenter
Biblioterapia a Cianacei
Te Biblioteca de Cianacei n percors de biblioterapia uma­nistica vidà da Elisabetta Van­zetta per rejonèr de iden­tità, acort, mudamenc, enso­mesc dejideries e encontres. L é 5 scontrèdes de 90 menuc da les 17:30 de lunesc: ai 27 de otober e ai 3, 10, 17 e 24 de november. Prenotazion per mail a bibliote ca@comune .canazei.tn.it. o WhatsApp al 0462 602382.
Atualmenter
Corsc de bal a cobies
L Comun de Sèn Jan con la sociazion Des Etoiles endreza n cors de bal a cobies per gregn, per sozialisèr e se tegnir en forma: bai da sala, ‘liscio’ e bai standard. L é 8 lezions, vigni jebia dai 23 de otober ai 11 de dezember te palestra de la populères de Vich da les 20:00 a les 21:00. Cost 80 euro, enscinuazions a Des Etoiles, 347 2463577.
Atualmenter
Picol marcià del Ski Team Fascia
Fin ai 24 de otober da les 15:30 a les 18:00 te senta del Ski Team Fascia te piaz Sèn Nicolò a Poza l é a la leta n picol marcià de la sociazion sportiva con colec da vent, braes da schi, tutes da gara, elmec e auter. L é avert ence ai no sozi.
Atualmenter
Social media: anter risech e oportunità
L Assessorat a la Cultura del Comun de Sèn Jan endreza 3 scontrèdes che se ouc soral­dut ai genitores per emparèr a gestir al miec l raport coi social, ence èer i fies. Te sala del Consei de Comun de Sèn Jan da les 20:30, en mèrtesc ai 21 de otober, en jebia ai 22 e en vender ai 23, con la espertes Enrica Ricciardi e Francesca Manfredi.
Atualmenter
Jon a pe… Vegneto?
Jir a pe fasc ben, fat de seghit l val l dopie e ensema l é ence gustegol, per chest l Comun de Sèn Jan à endrezà na bela scomenzadiva: se se troa vigni mercol da le 9 dadoman ló dal festil del Parch di jeghes de Poza per far n troi sorì che pel far duc, compagné da n volontadif. Basta se tor do ciuzè sorii, mingol de aga e la voa de star ben.
Atualmënter
»Ëres dëida Ëres«
L’ofize a Bornech é da ciafé tla str. Paul von Sternbach nr. 6. Al é davert dal lönesc al vëndres dales 8:30 ales 11:30, le mercui ince dales 15:00 ales 17:00. info@frauen helfenfrauenbruneck.it
Atualmënter
Iniziativa di ëi de Puster – MIP
L’ofize dla MIP–Männer­initiative Pustertal dëida i ëi y peri pro caji de separaziun y pîta aiüt te situaziuns de dificolté. L’ofize é tl Paternsteig nr. 1 a Bornech y é davert lönesc y mercui dales 14:00 ales 19:00, le vëndres dales 8:00 ales 12:00. Contac: 0474 555848, 340 1896431 o info@mip-pustertal.it

Sport
23.10.
HC Gherdëina vs. Sportivi Ghiaccio Cadore (IHL Divijion I)
L HC Gherdëina nvieia ala par­­tida contra i Sportivi Ghiac­cio Cadore, ai 23 de utober dala 20:30 tl stadio Pranives te Sëlva.
25.10.
HC Gherdëina vs. HC Meran Pircher
Tl stadio Pranives de Sëlva saràl ai 25 de utober dala 18:30 la partida dl campiunat AHL (Alps Hockey League) danter l HC Gherdëina y l HC Meran Pircher.
26.10.–01.11.
Turnoi de tennis: ITF Men Val Gardena Südtirol
Tl zënter dal tennis de Sëlva uniràl a se l dé la setima edi­zion dl ITF Men Val Gardena Südtirol 15.000 dollar, dai 26 de utober dala 09:00 inant. L turnoi va inant nchin ai 1. de nuvëmber y ie a bona uca­jion per udëi truep talënc jëuni da dut l mond.