La Usc di Ladins

Da 25 ani incà scumëncia la Copa dl Mond de schi for tl medem luech: sun l dlacier dl Rettenbach te Sölden. Chësc fin dl'ena se à i miëur schiadëures dl mond inò abinà tlo per la prima doi garejedes de slalom lerch: de sada chëla dl'ëiles y de dumënia chëla di ëi.

Da vënt, nëif y nibl fòvel n dumënia, canche l fova sun l prugram la garejeda di ëi. Alex Vinatzer de Sëlva ie pià via cun l numer 22, canche l purtoi fova bele mpue ruinà. L ne fova dut ntëur nia saurì da furné ju y l atlet de Gherdëina ie ruvà 21ejim. Tla segonda manche à Vinatzer dat gas, dantaldut tl tòch plu ërt y rie àl desmustrà de vester scialdi asvelt, y nscila iel stat bon de miuré de n zaron si pusizion. L à sapù da se nuzé bën dl purtoi: l ie stat bon de se miuré de bën 13 plazamënc, ruvan ala fin sun l otaf post a 1"02 dal prim Marco Odermatt.

Nce Tobias Kastlunger de Al Plan à pudù fé pea pra chësc prim slalom lerch, ma purtruep ne se àl nia cualificà per la segonda manche.

EK

L articul ntier tla edizion nueva de La Usc di Ladins de n vënderdi ai 31 de utober.