La Usc di Ladins

Na sëira per se prejenté y per mustré su l cudejel nuef: n dumënia, ai 21 de dezëmber, àn pudù udëi a Urtijëi duc i atlec y la atletes y alenadëures dl Schi Club Gherdëina. Scumencià à la prejentazion dla scuadres cun na defileda tres l zënter, acumpanieda da na curnisc mujighela de n valgun sculeies dla Scola de mujiga de Gherdëina. La majera pert di atlec y dl’atletes dl Schi Club Gherdëina se dedichea al schi alpin, l se trata tlo de 110 mutons y mutans. 
35 mu­­tons y mutans se dà ju cun l pudejé, 33 cun l biathlon, 22 cun l freestyle, 15 cun l saut y la cumbina­zion nordica, 1 cun l sci alpinism, 1 cun l skicross, 1 cun la luesa y 1 cun l telemark. De ndut ie i atlec y l’atletes dl Schi Club Gherdëina 219, y vën acumpaniei da 35 alena­dëures y sies trainadëures atletics ntan dut l ann. Na gran vela de disciplines de sporc da d’inviern, da coche n possa udëi, chëla piteda dal Schi Club Gherdëina, te na va­le­da te chëla che i sporc da d’inviern ie de na mpurtanza essenziela.

Nathalie Stuffer

L articul ntier pudëis liejer tla edizion nueva de La Usc che vën ora n l di de Ueia de Nadel, ai 24 de dezëmber.