La Usc di Ladins

Urmei vëniela bele fat dal 2013 incà, la manifestazion »Fiocco di neve per un sorriso« da pert dla Scola de Schi 2000 deberieda cun sustenidëures publics y privac sun l purtoi »Biancaneve« te Sëlva. L vën nvià mutans y mutons che ie purtruep malei de crëibes. La finamira dl pruiet ie chëla de ti scinché n di autra mënter, per destaché l pensier y se devertì sun la nëif. L se trata de mëndri y mëndres mpue plu zic dal pont de ududa de sanità, de tei:les che fej la terapia o
che ie danter la terapies ite. Prejënta ie nce stata la primaria de pediatria dl spedel de Bulsan, la dutt.ssa Laura Battisti, che à dit che »nce sce l à bele fat tan suvënz, iel for coche sce l fossa l prim iede«. Ai 21 de merz se à abinà chisc mutons y chësta mutans – che vën da duta la provinzia coche Fascia, Bulsan o Puster – deberieda cun si families sun purtoi. De ndut iel ruvà adalerch zirca 20 mutons:ans danter i doi y 14 ani.

Dut l articul tla edizion nueva de La Usc che vën ora n vënderdi ai 3 de auril.

Julia Lardschneider