La Usc di Ladins

Bondì Debora, co te prejentásseto a zachei che no te cugnësc?
Bondì Denni e bondì a duc! Mi son la Debora Crepaz, fia del Fabio e de l’Agnese de la pizeria Tablé de Reba. Fin ai miei 24 agn è vivëst a Reba coi miei e po m’è trat sun Chierz, mpruma con mio om e ades con mia fa­meia: è doi fioi! Dal 2015 laore ntei ufizi de la Cesa de Paussa Vila Sánt’Ijep, a La Plié da Fodom.

Chei elo i recordi plù biei de co t‘eve tosata?
Chël che me sà bel recordè de cánche vivëve a Reba, l é le trope giornade passade de fora a śoghe duc auna, n particolar via ntel ciámp de la glac, iste e inviern… po le sëre a śoghé a poltro! Jonve a ciaval, no n’onve telefonins, tablet, computer…se ciaponve duc auna e se se passáva i davo­mes­dis n compagnia! Ades i tosac i à troc impegni tra na roba e l’autra, che l é na bela roba, per­cieche i à trope opor­tunité, ma da l’autra i momenc ulache i se ciapa a śoghé duc auna, i é tres demánco! Co i se ciapa l é fazile che i se n stiebe ntra de lori col telefonin nte la mán: chëst me n desples, ma ades l é la normalité e vol mrfo prové a ie l fè capì. (Ntervista de Denni Dorigo)

De plu tla edizion stampeda de La Usc di Ladins o sun l e-paper a paiament www.lausc.it/e-paper