La Usc di Ladins

Dotours
Dutor Gherdëina
L dutor de servisc da n sada ai 21.03. dala 08:00 daduman nchin la 08:00 daduman de n lunesc ai 23.03. ie l dutor Giu­liano Piccoliori de S. Cri­stina, tel. 0471 792282 o 348 3301004.
Doturs Val Badia
Tla fin dl’edema di 28 y 29 de merz él en sorvisc ti comuns de Mareo y San Martin le dotur Eduard Agreiter, San Martin de Tor, 0474 523315 o 333 1380852. Ti comuns de Corvara, Badia y La Val él en sorvisc la doturia Jasmine Gabrieli, La Ila, tel. 371 7515275.

Apoteches
Apoteca Gherdëina
L’apoteca che ie de servisc ora dl orar urdiner de giaurida, da n vënderdi ai 27.03. nchin n vënderdi ai 03.04. ie chëla de S. Cristina, tel. 0471 792 106 o 333/1776615 (orar de giau­rida 8.00-12.00/15.00-19.00).
Apoteca Val Badia
L’apoteca en sorvisc fora dl orar ordinar, dal vëndres ai 27 de merz dales 19:00 al vëndres ai 3 de aurí ales 19:00, é chëra da Corvara, tel. 0471 830237.

Teater
Atualmënter
Teater »Der WahnSinn – Ein Kopfkino«
La lia Teater Urtijëi nvieia de cuer a si reprejentazions dl pez da rì tla rujeneda tudë­scia. L sarà mo una na repre­jentazion tla Cësa de Cultura, ncuei, 27.03. dala 20.00. Cher­tes danora giapen sot al link theatergroeden.com/tickets o cherdan su l numer 389 6767333.
Atualmënter
La Val: Teater »Le jüch«
L’Uniun Teater La Val inviëia da jí a ti ciaré ala comedia »Le jüch«, basada sön le film »Perfetti sconosciuti« de Paolo Genovese. Le toch é aconsié da 14 agn insö. Les ultimes rapresentaziuns é ai 28 de merz dales 20:00 y ai 29 de merz dales 18:00, te salf dles manifestaziuns da La Val. Prenotaziuns al 340 8951293 o al 333 4616848 por sms, o telefoné dales 18:00 ales 21:00.

Cursc
01.–04.04.
Curs de mudelé
La Lia La Vëta mët a jì n curs de mudelé cun l pruf. Danyil Ro­venchyn, tl lauratuere »Doss« a Urtijëi, dai 1. nchin ai 4 de auril. Per iscrizions y nfurmazions plu avisa: 335 6547001.
08.04.
N spiné sann y sterch
Le Consëi de formaziun Badia mët a jí 4 incuntades por mioré la forza, la stabilité y la flessi­bilité dl spiné, vigni mercui dai 8 ai 29 d’aurí dales 20:00, te palestra dla elementara de Badia. Referënta é Albina Pescoller. Al é da se tó para n tepih y na peza da mans. Cost: 25,00€. Infos y iscriziuns pro Margit al 340 3438709.

Temp Lede
Atualmënter
N’ena de mujiga »Rock the Dolomites«
N ucajion de »Rock the Dolo­mites« suneràl mo ai 27.03. dala 14:30 »The Killbilly’s« pra la utia Panorama y ai 28.03. dala 17:30 »Die Drauf­gänger« da La Stua.
27.03.
Raprejentazion »Agnel de Pèsca«
En vender ai 27 de mèrz da les 20:30 te teater del Oratorie de Poza la parochies de Mazin, Pera, Poza, Soraga e Vich en­dreza na raprejentazion su l’ultima setemèna de Gejù dal titol »Agnello Pasquale«.
27. – 29.03.
Freerider Sport Events
Dai 27 ai 29 de merz él »Movi­mënt« y »Freerider Sport Even­ts« che mët a jí na fin dl’edema da jí cui schi cun porsones cun andicap – che á la poscibi­lité da porvé fora chësta ativité ince cun i schi cun le scagn. Por tó pert él da se scrí ite sön la plata internet de Movi­mënt.
28.03.
Gardenissima: Festa do la garejeda
Do la garejeda epica dla Gar­denissima saràl dala 16:00 inant festa pra l puent de Col da Mulin te Sëlva, cun mujiga de DJ Ondy y The Jam’son.
30.03.
Yoga y paslunch
Pro le zënter de paslunch Alta Badia a Sciaré da San Ciascian vëgnel tigní vigni lönesc dales 10:30 n curs de yoga y pas­lunch. Por tó pert mësson se scrí ite sot a www.scuolafondo.it
30.03.
Pastelné per Pasca per mutons y mutans
Tla biblioteca de San Durich a Urtijëi vëniel pastelnà per Pasca n lunesc ai 30 de merz, dala 15:00–17:00. L domesdì ie adatà per mutons y mutans dai 5 ani insù. L vën perià bel de se nuté su te biblioteca.
31.03.
Sommelier sön pista
En mertesc al 31 de merz él l’ultim apuntamënt cun le »Som­melier sön pista« tl raiun dai schi dl’Alta Badia. An pëia ia dales 13:45 da Piz La Ila demez, por jí te döes üties a ciarcé na seleziun di mius vins de Südtirol, deboriada cun n maester de schi y n som­­melier. Infos y prenota­ziuns ti ofizi turistics dl’Alta Badia.
01.04.
Cui schi da sëra
Tl’Alta Badia pón jí vigni mer­cui cui schi ince da sëra, dales 20:00 ales 22:00 sön la pista »Doninz« a La Ila. Por podëi anuzé l’implant adoron na cherta dai schi che vel plü dis.
01.04.–06.04,
Gherdëina Winter Finals
Dai 1. nchin ai 6 de auril saràl te Sëlva deplù festes per finé via la sajon da d’inviern: ai 1.04. suneràl Ena y Maddi sa la Dantercëpies Mountain Lounge, dala 13:00–17:00. Ai 2.04 saràl da audì Maex & Cartado sal Salei, dala 13:00–17:00. Ai 3.04. saràl da audì Medun & Kevin Brook sun Piz Setëur, dala 13:00–17:00. Ai 4.04. dajeràl lianies blances sal Salei.
02.04.
Prejentazion de libres te biblio de Moena
La biblioteca de Moena endre­za ence chest an la lingia de scontrèdes »Troes« dedichè­da a la oujes de nosc teritorie. En jebia ai 2 de oril da les 17:00 te sala Rovisi vegn portà dant »Orgoglio e riscatto. Dieci donne della letteratura italiana« con l’autora Silvana Poli.
04.04.
Gara dl paisc a Calfosch
I Stüdafüch da Calfosch y la Scora dai Schi da Calfosch inviëia la jënt dl paisc ala 39. »Gara dai schi de chi da Cal­fosch«, en sabeda ai 4 d’aurí. La gara vëgn tignida dales 9:30 inant. Les iscriziuns vëgn tutes sö cina ai 3 d’aurí, tla sënta dla Scora de schi, al prisc de 21,00€ a ce. Al vëgn recordé che an mëss avëi le casco.
08-17.04/08.05
Trei sere de reflescion a Poza
L assessorat a la cultura de Sèn Jan e la Sociazion ‘Liberi da dentro’ endreza 3 sere per vardar daite te la prejons e te noi enstesc. Ai 8 de oril Gen­naro Giudetti porta dant soa esperienza ti lesc de conflit. Ai 17 de oril con ‘Ariaferma’ e ai 8 de mé con ‘Viaggio in Italia: la Corte Costituzionale nelle carceri’ se rejona de degnità, deric e responsabilità ite e fora de prejon. Duc te Oratorie de Poza da les 20:30.
Uni juebia
Ciaculon deberieda – per ladin
La Union di Ladins de Gher­dëina mët a jì la ancuntedes de »Ciaculon deberieda« pPer chi che scumëncia y chi che ulëssa miuré si ladin. N se anconta uni juebia dala 18:00 (ora che i dis de festa), tla biblioteca »Anda Malia da Cudan« tla Cësa di Ladins a Urtijëi. Unide nce Vo!

Chino
Atualmenter
Al chino de Cianacei
En sabeda ai 28 de mèrz da les 21:00 l é »Jumpers – un salto tra gli animali«, n film per la familia, mèrtesc ai 31 da les 21:00 l é »Idoli–fino all’ultima corsa«.
Atualmenter
Al chino de Pardac
Insnet, vender 27 de mèrz da les 21:00 l é »Grand ciel«, sa­beda 28 da les 21:00 l é »L’ultima missione« che vegn moscià ence domenia 29 da les 17:00 e da les 21:00 l é »Il mago del Cremlino – Le origini di Putin«, vender 3 de oril da les 21:00 l é »L’invisibile filo rosso« con intervent del regist, Sabena 4 de bril da les 21:00 l é »The super Mario Galaxy Movie«.

Televijion
Atualmënter
Tg Ladin
Orares dl TG ladin menà da Egon Vinatzer: uni merdi dala 19:30 sun Alto Adige Tv, cun repliches uni sada dala 18:15 sun Trentino TV y uni dumënia dala 18:30 sun Alto Adige Tv; repliches nce online.
31.03.
Cult – l’edema santa
Dales 20:50. Test y regia Giulia Tasser, produziun Kar­bonvideo, a cura de Alessan­dro Dapunt.
01.04.
Natura e ambient – i Ciamorces de Fascia
Dales 20:50 ca. Test y regia Luciana Detomas, produziun Pinterfilm, a cura de Alessan­dro Dapunt.
02.04.
Scenar – ert y cultura tla Ladinia
Dales 20:50 ca. Test y regia Silvia Murer, produziun Kar­bonvideo, a cura de Leo Se­noner.
Informaziuns
Informazions plu menudes sun i programs de RAI Ladi­nia pòn giaté sun www.raibz.rai.it – Sun l medem sit sarà i programs TV da vedei sot a »Mediateca« y les trasmi­scions radio sot a »Podcast«.

Radio
27.03.
Ëiles & Stëiles – La cultura al feminin tla Ladinia
N ucajion dl »Di dl’ëila« ai 8 de merz 2025 à la lia culturela »Tublà da Nives«, n cun­laurazion cun l Departimënt Intendënza y Cultura Ladina, metù a jì na sëira culturela dal titul »Ëiles & Stëiles«. N mumënt zentrel dl prugram ie stat la mëisa turonda cun ëiles de generazions y ciamps soziei defrënc: Hannelore Insam, cumëmbra dla Con­sulta per la valivanza dl’opor­tuniteies, la diretëura dl Istitut Ladin Micurà de Rü Irene Prinoth, la jurnalista dla Rai Ladinia Jasmin Ferdigg y l’ex-atleta y mpresera Lotte Nogler (segonda pert). Tras­miscion de Sofia Stuflesser.
29.03.
»De viac tl mond dla mujiga moderna«: Robby Krieger à cumplì 80 ani
Ël fova la forza chieta do i »The Doors« via, n chitarist, n architet dl sonn, n musizist cun gran sentimënt y savëi. Si suné la chitara à nfluenzà generazions de musizisć, suvënz zënza che l saute tan tl uedl. De jené àl festejà 80 ani ma chël ne uel giudeno mo di che l à metù la chitara te n piz. Robby ie inant creatif y à permò inò dat vita a n proiet musichel nuef. Trasmi­scion de Georg Mussner.

Sport
28.03.
Gardenissima
Gardenissima, 28ejima edi­zion. La garejeda sarà n sada ai 28.03. dala 07:30 inant, da Secëda ju nchin japé dla furna­doia de Col Raiser, ulache l sarà nce la premiazion do­mesdì.
29.03.
Gardenissima Kids
Nce i:la mëndri:es possa des­mustré cie che i:les sà da fé: pra la Gardenissima Kids, ai 29 de merz. La garejeda de doi chilometri sun Secëda pëia via dala 08:30.
Publizistica
31.03.
Vom Gastrokönig: Aus der Depression zum Lebenssinn
L Servisc Furmazion Gher­dëina nvieia a la prejentazion dl liber de Giuseppe Pino Fusaro, cun ntratenimënt mu­jighel de Fish & Scale. La prejentazion ie n merdi ai 31 de merz dala 20:00 tla Cësa di Cungresc de Urtijëi. La ntreda ie liedia.

Avisc
Atualmënter
Picolin: portina por assistënza y cura
La Portina por l’assistënza y cura é daverta trëi iadi al’ede­ma: le lönesc dales 14:00 ales 16:00, le mercui y la jöbia dales 10:00 ales 12:00. Tel. 0474 586123 tratan chisc orars. La Portina é tl Raiun soziosanitar a Picolin, tl’alzada a tera sön la man ciampa. Al vëgn chiló tut sö dötes les chestiuns por ci che reverda le guern dles porsones.
Atualmënter
»Ëres dëida Ëres«
L’ofize a Bornech é da ciafé tla str. Paul von Sternbach nr. 6. Al é davert dal lönesc al vëndres dales 8:30 ales 11:30, le mercui ince dales 15:00 ales 17:00. info@frauen helfenfrauenbruneck.it
Atualmënter
Iniziativa di ëi de Puster
L’ofize dla MIP–Männer­initiative Pustertal dëida i ëi y peri pro caji de separaziun y pîta aiüt te situaziuns de dificolté. L’ofize é tla str. Dante 2m a Bornech (Stern­hof) y é davert lönesc y mercui dales 14:00 ales 19:00, le vëndres dales 8:00 ales 12:00. Contac: 0474 555848, 340 1896431 o info@mip-pustertal.it
29.03.
Socialone del Ski Team Fascia
L Ski Team Fascia endreza l Socialone per serèr su la sajon, en domenia ai 29 de mèrz forin Mont de Vich. Se se bina entorn les 8 e la garejèdes ta­carà ite entorn les 9:30, sul por­toi Pra di tori per i più gre­gn e su le Pope per i più picoi.
Atualmenter
Na colomba per la pèsc
Per sostegnier l’atività de Emer­gency la delegazion de Fiem e Fascia ven la colombes de la pèsc con la bolga ‘Essere Umani’ a 20 euro. Se pel la prenotèr sul sit fiemme-fassa@volontari.emergency.it o al numer 349 8042968; consegna a Tieser ai 27 de mèrz, a Pardac ai 28, te Biblioteca de Ciavaleis o per Fascia te Re­dazion de La Usc a Sèn Jan.
Atualmënter
Iscrizions Scola de Mujiga
La Scola de Mujiga de Gher­dëina fej al savëi che la iscri­zions per l ann 2026/27 puderà unì fates online nchin ai 31 de merz sun my.civis.bz.it. Coche uni ann puderàn crì ora danter de plu strumënc, cianté, muvimënt y bal. Ai scric ite nueves ti uniràl fat al savëi al plu tert nchin ala fin de lugio sce i à giapà lerch. Per nfurmazions plu avisa: 0471 796858 o musikschuldi rektion.groeden@schule.suedtirol.it
Uni mierculdi
Ciaculon online – per ladin
La Union di Ladins de Gher­dëina mët a jì »Ciaculon on­line« per chi che scumëncia y chi che ulëssa miuré si ladin: dai 25 de fauré, uni mierculdi dala 18:00–19:00. Duc possa fé pea, l basta nstalé l prugram »TEAMS« sun l computer y jì ite sot a chësc link: https://url-shortener.me/GIBM
Merz 2026
Iscriziuns ala Scora de musiga Val Badia
Les scores de musiga dla provinzia deura les iscriziuns por le proscim ann de scora, dal 1. al 31.03.2026. Les iscri­ziuns vëgn fates online tres le sorvisc dl’aministraziun pro­vinziala »myCivis« https://civis.bz.it/einschreibung-mu sikschule . L’azes al sorvisc vá tres SPID o CIE (cherta d’identité eletronica). Informa­ziuns te secretariat dla Scora de musiga a La Ila, al 0471 847748 o sot a www.musik schule.it
01.04
Autonomia en mostra
En mercol prum de oril a Sèn Jan te sala del Consei de Co­mun da les 20:30 l assessor provinzièl Simone Marchiori e l professor Giuseppe Ferran­di rejona de autonomia: Vegn enaudà na mostra sul percors de nosc teritorie travers iden­tità, istituzions e comunanza che sarà averta da lunesc a ven­der da les 9:00 a les 12:00; apuntamenc per la scoles al 0462 764758.
07.04.
Lia di Filatelisć – ancuntedes
La Lia di Filatelisć, numisma­tics y vedla chertes de Gher­dëina se anconta uni prim lunesc dl mëns dala 20:00 tl Bar 2000 a S. Cristina, per s’la ciaculé y fé vel‘ barat. La proscima ancunteda sarà ai 7 de auril.
11.04.
Marcià dl adurvà
L VKE Gherdëina mët a ji nce chëst ann l »Marcià dl adurvà, ma mo da pudëi avëi«, n sada ai 11 de auril dala 09:00 nchin la 12:30, tla Cësa de Chemun a Santa Cristina. La roba da vënder possa unì data ju l di dant dala 17:00 nchin la 21:00. Chi che ulëssa vënder zeche muessa se desćiarié la lista aposta che n abina sot a https://url-shor tener.me/I4TR y che ie da dé ju dai 7 ai 10 de auril (nchin la 11:00) mandan na mail a info@njg.it.
13.04.
Iscrizions »Instà Vif«
L proiet per l instà Instà Vif, per mutons y mutans dl 2013–2019, vën metù a ji dai Che­muns de Gherdëina deberieda cun lies, dai 22.06. nchin ai 21.08. L orar per uni ena ie da abiné sun l placat. La iscri­zions possa unì fates ai 13 de auril dala 20:00 inant tres l link https://forms.gle/14 keH o1eZZ8Ri2Kh6. o tres QR–code che n abina sun l ju­lantin dat ora.

Iadi y Jites
30.03. - 02.04.
Iscrizions: Jita de 3 dis cun la peves
La Lia da Mont Gherdëina mët a jì chësta jita de trëi dis tla Val Maira cun i mëinacrëp Catores, dai 10 nchin ai 12 de auril. L se trata de jites me­sanmënter ries. La iscri­zions ie daviertes dai 30 de merz ai 2 de auril, tres whats­app da Ivan al 348/7803397 (scrijan l inuem, ulache n sënta su y sce l mancia velch da massaria). Priesc per i scric ite ala Lia da Mont: 420 €, te chël che l ie laite l viac, l durmi tla utia cun mesa pen­sion y l mëinacrep.

Mostres y Ert
Atualmënter
Deventé crëscer amé
Tla Cësa de Chemun de Laion iel da udëi na mostra de Guido Senoner Tinderla, che resterà da udëi nchin ai 15 de mei, dal lunesc al vënderdi dala 8:00–12:00 y la juebies nce dala 16:00 nchin la 18:30. Duc ie nviei de cuer.
Atualmënter
RETROSPEKTIVE 
Tl self dla mostres dla Lia Mostra d’Ert iel metù ora lëu­res de Klemens Piccolruaz, che resterà da udëi nchin ai 11 de auril ntan i orares de giaurida: dal merdi nchin la dumënia, 16:00-19:00 y de sada y dumënia nce danmesdi, 10:00-12:00. De lunesc iel stlut.
Atualmënter
Nadia y Klaus Rungger tla Galerie 90
L dessëni anconta la poejia – tla galeria Galerie 90 a Mühlbach prejënta Klaus Rungger dessënies nueves daujin a poejies de Nadia Rung­ger. La mostra ie tl se­gondo partimënt dla cësa Wolkensteinerhaus tla streda Katharina Lanz 90 y ie da udëi nchin ai 25.04..
Atualmënter
Mostra Bergwelten
Tl Tublà da Nives de Sëlva iel metù ora pitures dla artista svedeja Ewa Jönsson Hörtnagl. La mostra resta davierta nchin Pasca, ai 5 d’auril, uni di ora dl lunesc dala 16.00 ala 19.00.
Atualmënter
Mostra «The red boat»
Tl self dla mostres tla Cësa di Cungresc a Urtijëi iel metù ora na mostra coletiva de 18 artisć:tes de Südtirol. L proiet artistich soziel uël sotrissé la respunsabltà dla populazion per sustëni dl’ëiles. La mostra jirà inant nchin ai 6 de auril, 10:30–12:00 y 16:00–18:00.
Atualmënter
Garejedes de schi te Gherdëina
La mostra dedicheda ala garejedes de schi che ie states te Gherdëina sarà davierta nchin ai 7 de auril, dal lunesc nchin al vënderdi dala 08:00 nchin la 13:00, tl prim parti­mënt dla Cassa Raiffeisen de S. Cristina.
Atualmënter
Mumënc... tla Dolomites
La mostra cun lëures de Ga­briel Demetz tl Café Surëdl resterà da udëi nchin ai 30 de merz ntan i orars de giau­rida dl Café Surëdl.
13.04.
Mostra »Bal di Culëures«
Tl Café Surëdl a Urtijëi vëniel metù ora chedri de Lara Kostner, dai 13 de auril inant nchin ai 13 de juni.

Mujiga
05.04.
Cunzert da Pasca – Urchestra de S. Cristina
L’Urchestra de S. Cristina nvieia de cuer a si cunzert da Pasca, n dumënia ai 5 de auril dala 20:30 tla dlieja de S. Cristina. Direzion de Aaron Demez y Erwin Moroder.
19.04.
»Kassiansmesse« tl Dom de Persenon
N la dumënia dl »Kassians­sonntag«, ai 19 de auril, cian­terà y sunerà duc i cores de dlieja y urchestra de Gher­dëina, Runcadic, Laion y S.Piere la Santa Mëssa tl Dom de Persenon. L unirà purtà dant la mëssa de Karl Nuss­baumer. L sarà na sëira de mujiga suneda cun pec de Schubert, Haydn, Bach y autri, cun solisć de Gherdëina dal corn, flaut, vidula, tlarinet, posauna, oboe y erpa.

Sozial
Atualmenter
Portel de scout mediazion familia
L Comun General de Fascia con ALFID Onlus avert n portel de scout, orientament e mediazion familiara per la relazions te c‑sa. L avert a duc e debant a S‑n Jan te Stra­­da di Pr de Lejia 12 su apun­ta­ment tras l secretariat ALFID (0461 235008 – 375 8366271) duc i dis con orarie 8:30-12:30 e 14:00-18:00 o teras mail a sportellocgf.alfid@gmail.com.
Atualmënter
»Club Boé«
Le grup de autoaiüt »Club Boé« por problems de alcol o d’atres dependënzes s’incunta vigni mertesc dales 20:00, tla Ciasa di Stüdafüch a La Ila altaite. Les porsones de refe­rimënt é Hubert (tel. 339 1698343) y Methilde (tel. 335 6977604).
Atualmënter
Ciamena dal guant a La Ila
La Ciamena dal guant por mituns »Neores« a La Ila é daverta vigni vëndres dales 14:00 ales 15:30, te local sura i stödafüch a La Ila Alta.
Atualmënter
Iscrizions curs de tudësch per prinzipianc
L Cumité per Ntegrazion Gherdëina deberieda cun i chemuns mët a jì n curs de tudësch per chëi che scu­mëncia – dai 11 de auril inant nchin ai 6 de juni, uni vënderdi y sada, 16:00–18:00, for tla Cësa du Cungresc a Urtijëi. Iscrizions: nchin ai 01.04. te biblioteca. Cost (per 20 ëura): 50,00 €.
Atualmënter
Iscrizions curs de tudësch per chëi che sa bele mpue
L Cumité per Ntegrazion Gherdëina deberieda cun i chemuns mët a jì n curs de tudësch per chëi che sa bele mpue – dai 8 de auril inant uni lunesc y mierculdi, 9:00–11:00. L curs cun Franziska vën fat tla Cësa du Cungresc a Urtijëi. Iscrizions: nchin ai 01.04. te biblioteca. Cost (per 32 ëura): 70,00 €.
Atualmënter
Family Support
L servisc Family Support pieta sustëni ala families jëu­nes. Tl prim ann de vita dl:a pop:a pòssen se damandé n aiut da pert dla ulenteres, che vën a cësa per n val­gun’ëura al’ena a fé vel’ stroz, cialé di mutons:ans o judé ulache l ie debujën. L servisc ie debant y duc possa s’l damandé. Per nfurmazions pòssen scrì a gherdeina@family-support.it
Atualmënter
Lia de sustëni tl duel y crisa
Lia de sustëni tl duel y crisa ti juda ala persona nstëssa y la families te situazions de duel. L vën damandà na cuota anuela de 50 euro. Per nfur­ma­zions de sustëni pòssen tò su cuntat cun: Trauer- & Krisennetzwerk Südtirol VFG–info@trauernetzwerk-suedtirol.com, 379 1170488.
Uni merdi
Marënda per i:la sëura 60
La Lia Sarëinn nvieia duta la jënt sëura i 60 ani a se nuzé de chësc servisc che vën pità uni merdi dala 12:00 (Urtijëi Cësa de Cultura; S. Cristina Cësa de Chemun; Sëlva Stua di Seniores). L ie da se lascé nuté su nchin al di dant da mesdì, cherdan su: per Urtijëi l 3207234396 (Vinzenz), per S. Cristina l 333 1499949, per Sëlva l 335 6558633.
27.03.
Deberieda: depënjer ueves da Pasca
N se anconta ai 27 de merz dala 14:00 dan la Cësa de Paussa a Urtijëi. »Deberieda« ie na grupa che mët a jì an­cuntedes danter ulenteres y persones che à problems psi­chics o de sozialisazion.
05.04.
Azion da Pasca
La dumënia de Pasca, dan la gran Santa Mëssa, vëniel dat ora dan dlieja cësć cun ueves ntënc y na fuiacia. La dun­fierta ti jirà a na familia che à de bujën. Per ntënjer i ueves y njenië ca i cësć se anconten n mierculdi, ai 1. de auril dala 20:00 te Calonia basite. Duc i ulenteres, granc y pitli, ie nviei a unì a judé.
15.04.
Scontrèdes de auto mutuo aiut
La sociazion Rencureme de Fascia e Fiem endreza scon­trèdes de auto mutuo aiut per chi che à te cèsa parenc con problemes de memoria e decadiment cognitif. Quarta scontrèda en mercol ai 15 de oril da les 20:00 te Ciasa de Noscia Jent a Poza.

Segres y Festes
04.04.
Festa dla Loches
L Freeride Club Gherdëina mët a jì la festa dla loches sun Plan de Gralba pra l lift Pudra, ai 4 de auril dala 11:00 inant. L dajerà coche for da maië y da bever y sambën ne man­ceràl nia de bela mujiga.

Religion
20.05. – 25.05.
Pelegrinaje a Medjugorje
Dai 20 ai 25 de ma 2026 vëgnel organisé n pelegrinaje al santuar de Medjugorje. Por prenotaziuns pón cherdé sö Daniele Agostini al 335 526 8546 o Patrizia Agostini al 347 7537887.