La Usc di Ladins

Fèr acioche la region alpina tegne poz, la sie sostegnibola e coleèda: na endesfida che domana n lurier adum da man de la desvaliva regions che fèsc pèrt de la Strategia de l’Union Europeèna per la Region Alpina (EUSALP) per fèr acioche l teritorie da mont l vèrde de più envers sie davegnir. Ence chest an la joena generazions pel dèr na man per arjonjer chest obietif col fèr pèrt del Consei di joegn EUSALP metù adum da 28 comembres (cater per vigni paisc da mont) che resta en cèria n an col met de n renovament amò per n auter an.

I joegn anter i 18 e i 29 egn che stèsc te una de la 48 regions che fèsc pèrt de EUSALP te la Tèlia, Germania, Franzia, Austria, Slovenia, Svizra o Liechtenstein pel portèr dant sia candidatura enscin ai 12 de mé del 2026.
I Stac e la regions corirà la speises de viac per scontrèdes e evenc ai comembres del Consei che tolarà pèrt e i sporjarà consulenza e suport. Per maor informazions https://alpine-region.eu/alpine-youth.

Podede lejer dut su La Usc dai 27 de mèrz da ciapèr te la boteighes de sfoes de la valèdes ladines o tras abonament (info:www.lausc.it/abo o abo e-paper)