La Usc di Ladins

I án mefodër rové da fá la intervista, che Ulrich Videsott ciafa telefon. L’ostí d’Al Plan manajëia n residence nia dalunc dal zënter y la ëra oress savëi sce al á ciamenes lëdies. Por i geniturs y ince n möt. "Al me desplej, i ne tolun nia mituns, i sun na strotöra ma por adulc", é la resposta. Chësc dij bele ince de ci che ara nen vá. Dan da 16 agn á Ulrich Videsott surantut dai geniturs le "Garni Erna" – n garni scëmpl y familiar – che al á trasformé dl 2023 tl "Residence AlNö" - na ciasa dla categoria alta, che á la particolarité da ester "adults only" – tanco ne vëgnel nia tut sö mituns. Cina ciamó él na dezijiun plü unica che rera por la Val Badia. Na ligna che stlüj fora na sona importanta de marcé, mo che ti deura indere les portes a n "marcé de niscia" che crësc tres deplü. I patruns de strotöres "adults only" mëss ince fá cunt cun critiches, che ares stlüj fora les families, che ares é cuntra i mëndri, che ares é descriminantes. Insciö ne la vëiga Ulrich Videsott sambëgn nia. Sü ghesć é copies jones, maestri y acompagnadus, y poa... ince geniturs cun mituns, che ó indere se fá n per de dis de vacanza zënza.

La intervista ciafëise t’La Usc di Ladins di 22 de ma  (pablo)