La Usc di Ladins

L medemo dì de la radunanza de l’ASAT Zenter Fascia ence la Sociazion Fitacartieres à chiamà ite i sozi te La Gran Ciasa a Soraga. Sobito na bela neva: la sociazion pel jir inant. »L an passà no saane se assane cognù serar su ajache con la reforma del Terz Setor assane cognù far l’iscrizion al RUNTS e fossa stat dut più complicà – à dit la presidenta Cristina Donei. Enveze da oril de chest an ence la Provinzia de Trent , desche chela de Busan, à avert n register dedicà a le picole sociazion che no cogn più far chisc adempimenc burocratics.«
La presidenta Donei à dapò fat n chèder generèl e na reflescion sui numeres del setor. La mencianza de cartieres destiné a fic lonc é leada soraldut a la normativa che ge dasc massa pece garanzie ai patrogn – à dit la presidenta - l é fondamental tor dant l problem a na vida più struturada. Belapontin de chest vers va l projet metù dant da la Sociazion de hotelieres del Zenter Fascia prejentà da Matteo Toresani ai fitacartieres che à scutà con enteres la proponeta.

Podede lejer dut su La Usc dai 22 de mé da ciapèr te la boteighes de sfoes de la valèdes ladines o tras abonament (info:www.lausc.it/abo o abo e-paper)  (Monica Cigolla)