La Usc di Ladins

Fascia 2040 l é na idea strategica che no cogn restèr demò ciacoles. La logica 15-45, 15.000 sentadins e 45.000 posć let pel doventèr realtà. L é chest l percors portà inant te chisc egn dal diretif de l’ASAT del Zenter Fascia, vidà dal president Guglielmo Lasagna, e metù dant con programes e projec concrec endèna la radunanza di sozi chiamèda ite en mèrtesc ai 12 de mé al XAlp Hotel a Pera a chela che à tout pèrt n bon grop de hotelieres, autoritèdes e i presidenc de l’ASAT Val de Sora Filippo Debertol e de Moena Davide Moser.

L president Lasagna à ence portà dant i resultac de n chestionèr fat anter i sozi che l é stat de utol per entener miec cotant che i hotelieres é do che investesc sul teritorie ma ence i besegnes reèi de posć let per i colaboradores. 32 aziende farà investimenc per 65 milions de euro, che vel dir che ogneuna spenarà na media de passa 2 milions.

Podede lejer dut su La Usc dai 22 de mé da ciapèr te la boteighes de sfoes de la valèdes ladines o tras abonament (info:www.lausc.it/abo o abo e-paper)


 (Monica Cigolla)