Chël dl "Vinzentinum" é n inom conesciü ince tles valades ladines. Chësta scora cun istitut a Porsenú, ê gnüda metüda sö l’ann 1872 dal vësco Vinzenz Gasser (1809 – 1879) – chël che á ince consacré tl 1876 la dlijia nöia da La Val. Le vësco Gasser â metü sö chësta scora cun la orenté da formé studënc y candidac, tla speranza che ai gniss proi. Pormó do la mort dl vësco á la scora ciafé l’inom de so fondadú. N gröm de jonins dles valades ladines é variá da üsc dl Vinzentinum ite y á fat dailó les scores.
La strotöra pó indere festejé n iubileum dopl, deache 150 agn complësc ince le "Vinzentiner Knabenchor", le cor di mituns che é dal 2014 incá sot la direziun de Andrea Tasser de Badia. Por le iubileum dl cor gnarál metü a jí trëi conzerc: danter chisc ince un a Badia, chësta domënia ai 26 de merz dales 18:00, tla dlijia de paisc.
Deplü sön le Vinzentinum, le cor y so iubileum ciafëise t’La Usc di Ladins di 24 de merz (pablo)
Le compliagn dl "Vinzentinum"
L’istitut "Vinzentinum" da Porsenú complësc en chësc ann sü 150 agn de vita – y cun ël ince le "Vinzentiner Knabenchor", che é incö sot la direziun de Andrea Tasser de Badia.
Galaria retrac
View the embedded image gallery online at:
https://www.lausc.it/valedes-ladines/val-badia/23059-le-compliagn-dl-vinzentinum#sigProId7787deb7b2
https://www.lausc.it/valedes-ladines/val-badia/23059-le-compliagn-dl-vinzentinum#sigProId7787deb7b2