La Usc di Ladins

Tian Tian é nasciüda tla Cina, plü avisa tl Shandong, la provinzia olache al ê ince sté Sant'Ujöp da Oies. Ara é nasciüda cun na maratia ereditara, la »tetraparesi spastica distonica«, na maratia che ne ti pormët nia da jí a pe y da se möie autonomamënter. Ara á insciö debojëgn de valgügn che ciares tresfora de ëra. »Tla Cina n'é la vita por les ëres nia saurida, sce na ëra nasc cun na dejabilité é spo döt ciamó plü ri«, nes cunta Verena Valentin de Badia, uma adotiva de Tian Tian che é, a gauja de süa maratia, gnüda arbandonada da sü geniturs bele da picera. Ara é gnüda trata sö da n berba, che n'ê nia so parënt, mo che á fistidié por ëra, te süa ciasa, cina che ara á albü ot agn. »Se tó cura de Tian Tian ne n'é mai sté saurí, mo man man che ara chersciô gnô les dificoltés tres maius. – cunta inant Verena – Le berba che l'â tuta sö se á porchël metü en contat cun na assoziaziun che daidâ mituns cun problems de sanité.« De chësta assoziaziun fajô ince pert n ël talian che á tut sö Tian Tian te süa ciasa. Chësc ël fajô pert dla assoziaziun Papa Giovanni XXIII, de chëra che ince Verena Valentin fej pert. Insciö á Tian Tian podü vire te na ciasa familia a Pechin por diesc agn alalungia, cina che ara á complí 18 agn.

I podëis lí inant la storia de Tian Tian tla ediziun stampada d'La Usc di Ladins da en vëndres ai 24 de merz.   (kp)