San Ciascian: botëga daverta ince d'isté

Data

23 de merz 2023

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
An â aldí che la botëga de alimentars da San Ciascian ess stlüt cun la fin dla sajun da d'invern, mo i gesturs á chisc dis ciafé na acordanza cun la sozieté Aspiag (patrona dl martl Despar) y d'isté podará la popolaziun y ince i ghesć ciamó jí a cumpré ite
La jënt da San Ciascian é oramai ausada da messëi dagnora tó ca l'auto por anuzé la gran pert di sorvisc che é ti ultims agn gnüs mancia. Al é gnü saré les casses, l'ofize dla posta y al é gnü tut demez la fossenara. Tl paisc da San Ciascian n'él gnanca na apoteca (ma na »parafarmacia«, ndr), na botëga dal tabach y cun la fin dla sajun parôl che al ess stlüt ince la botëga dai alimentars. La botëga, dl martl Despar, vëgn manajada da 11 agn incá da Lois Craffonara de Badia, che á ince n'atra botëga a San Linert. »Chëra da San Ciascian é na botëga che laora dër bun tratan i mëisc de sajun turistica, chi cinch o sis mëisc al ann olache al é ghesć. Fora de sajun unse dagnora lauré de manco, mo i un impó tres porvé da fá val' sacrifize por podëi ti garantí le sorvisc ala jënt dl post. Sëgn, a gauja di gran cosć dl'energia y dl aumënt dl afit, ân tut la dezijiun da ne renové nia plü le contrat y da dé sö la botëga. Chisc dis unse indere ciamó podü baié cun la sozieté Aspiag y por d'isté sará la botëga ciamó daverta«, nes cunta Craffonara.

Deplü tla ediziun stampada da indoman, vëndres ai 24 de merz.   (kp)