La Usc di Ladins

Da d’aisciöda y da d’altonn se conforta nosta valada da jí a teater. Al é bele tradiziun che do le gran slöm y le cajin dla sajun pón se relassé y s’la rí cun les comedies che vëgn rapresentades. Les uniuns dl teater ne pita nia ma n aurela cörta plajora, mo n arichimënt por nosc lingaz y nosta cultura.
La Uniun Teater San Martin porta dant chisc dis – l’ultimo iade chësc mercui ai 29 de merz - le toch "Meses verités". I cater jobleri é en chësc iade slisorá tles perts de döes copies, öna bindebó jona che se conësc da n per de edemes y l’atra che vir bele dî adöm y é maridada da tröc agn. N per de scofuns, tan de smac de ciüfs da deventé sospec y trö’ massa scatores de pralines é le motor che mët a jí döta la trama, traslatada da n toch de Alan Ayckbourn, autur londinesc de comedies, basades scialdi dagnora sön na critica soziala dër sutira. Tres la traduziun y la rejia é Matteo Rubatscher sté bun da porté dant n toch le adatan a nosta valada y ti lascian impó na bona pert dl’originalité dl teater ambienté a Londra. Emoziuns sciöche la gelosia o le sospet, comportamënc liá al amur y stereotips de jëne ne conësc nia confins.

Deplü t’La Usc di Ladins dl 31 de merz.  (Lucia Piccolruaz)