La Usc di Ladins

Le test é gnü scrit da Carlo Suani y metü en musiga te na manira sensibla dal componist ampezan Antonio Rossi. Chësc evënt che cunta dla vita y dla gran personalité dl Sant gnará porté dant tl lingaz ladin cun suratitui por todësch y talian. 
Protagonisć dla sëra a Balsan sará la Müjiga de Badia sot la bachëta de Friedl Pescoller, le cor moscedé mené da Bruno Rives, y passa 55 jobleri, düc dla Val Badia danter i 7 y 70 agn, cun la regia de Valentina Kastlunger y Bernadette Nagler, la coreografia de Anastasia Kostner y la scenografia cun guanc de Ursula Tavella. La serada é ponsada por pici y gragn, plëna de musiga, poesia, corusc y ligrëza. Da sëgn inant pón resservé les chertes söl sit www.musicaloies.it