La Usc di Ladins

Aldedaincö ne fosson nia plü bugn da s’imaginé la vita da vigni de zënza energia eletrica: la löm indortöra, forza por mené les mascins, telefons, fonins, computers ne jiss döt nia. Mo dan da cënt agn ne esistî dötes chëstes cosses nia ciamó, al ê na gran meseria y stracocia, mo an sintî le bojëgn da realisé val’ por la produziun de energia, sciöche al ê bele gnü fat te d’atri posć te Südtirol.
Incer l’ann 1920 él sté valgügn paurs da Lungiarü che s’á metü adöm por costruí n berch dla eletrizité söl rü da Lungiarü, che porta cotan d’ega ince d’inver. La desfida ê sambëgn dër grana y i scioldi a desposiziun ê püc. N injenier da Bornech â fat n proiet valgamia modern y interessant cun n generadú da 400/235 V, ci che ne ê laota nia lere da odëi; aldedaincö él le standard normal.

Deplü sön chësc toch de storia da Lungiarü, nes cunta Martin Clara t’La Usc di Ladins di 13 de dezëmber