La Usc di Ladins

En domënia ai 21 de setëmber s’á les lies da munt de dötes les valades ladines incunté pormez ala Ütia Gherdenacia en ocajiun dl’incuntada anuala. Bele da 30 agn incá vëgnel mantigní chësta tradiziun dl s’in­cunté alalt tles munts danter sura­stanc, amanc dla munt y dla natöra da dötes les perts dla Ladinia. Al é n momënt de barat prezius cun i surastanc dles lies dles atres valades y n’ocajiun por porté dant tematiches y problematiches partídes, che da­mana de colaboré por arjunje deplü por la sconanza dl ambiënt y dla munt sön le teritore. 

Porchël é i mëmbri dles lies rová adalerch sön la munt de Gherdenacia, olaché ai á tut pert a na cörta zelebraziun religiosa, portada dant da Leo Crepaz y Mo­nica Trebo. La grupa »VolxBrass« á acompagné la zelebraziun, che é jüda danfora ala pert ofiziala dl’incuntada.



Deplü da lí sön l'evënt ciafëise tla ediziun nöia da incö, vëndres ai 26 de setëmber!