La Usc di Ladins

Al é passé püch plü de n ann da canche al é jü online le dizionar ladin–todësch / todësch–ladin (https://www.dizionar-ladin.it/)de Giovanni Mischí. Cun zirca 30.000 azesc al mëis é chësc stromënt de consultaziun intratan deventé na ressursa de gran ütl por düc chi che adora le ladin scrit, sciöche p. ej. maestri, jornalisć, traduturs, studënc, insegnanc, mo ince por apascioná de lingac o por chi che oress savëi valch de plü sön chësc pice lingaz de mendranza. Cun n clich pón cherdé jö te trames les direziuns de vigni sort de parores y propostes de traduziun, mo an pó ince descurí sciöche nosta cultura y identité ciafa espresciun propi tres les parores, i proverbs, les manires da dí etc. An vëiga che n lingaz é cotan de plü co ma n meso de comunicaziun.
Porté pro al suzes de chësc stromënt online á ince le fat che al á ciafé na lerch söl portal de prestisc dl’Université de Trier (https://woerterbuchnetz.de/) en compagnia cun na seria de d’atri dizionars. Tres chësc portal ciafa le ladin na lerch te na vidrina daldöt unica y al s’arcuncia ite te n contest euoropeich cotan plü ampl.

Deplü sön les novités y les particolarités podëise lí t’La Usc di Ladins di 14 de novëmber