La Usc di Ladins

L é ruà perscin l president de la Provinzia de Trent Maurizio Fugatti en mercol ai 5 de november te sala de Consei de Comun de Sèn Jan per meter en consaputa de n’opera che i sentadins da Vich spetèa èrs: l é ruà a compiment i lurieres per tachèr ite la èghes pazes di refuges Roda de Vael e Baita Marino Pederiva sun Vael al depurator biologich del Consorzie Eletrich de Poza. Do egn de lamentanzes, de letres, de interogazions ai organismes competenc, de regoetes de sotescrizions, se sera su na situazion zompa che ge à portà dans e dejèjes no demò ai sentadins ma ence a la parbuda de la mont e del turism. Per egn Armando Loss à seghità a denunzièr l entesseament de l’èga da beiver de Tamion e de Valongia, creà defat da la desćèria de l’èga pazes de Vael, denunzia che era ruèda ence a la trasmiscion televisiva Report.

Se pel lejer dut su La Usc nr 44 dai 14 de november, che se pel troèr ence te la boteighes de sfoes. Sul sit www.lausc.it se per fèr l abonament al e-paper per aer azes vigni vender a dut l sfoi sul fonin, tablet o computer.

 (Monica Cigolla)