La Usc di Ladins

Con sia operes, che se tol fora de anter, l artist Matthias Sieff, clasc 1982, se à vadagnà n aprijiament semper maor ence foradecà. Tel meis de orober l é stat envià a tor pèrt a na esposizion particolèra a Rorei, olache tel palaz de la veia Manifattura Tabacchi l é stat metù a jir l event »Incontrarti« pissà per portèr l’èrt te anter la jent endrezan momenc de cultura per duta la comunanza.
Te chesta seconda edizion l curador Claudio Matté à abù l met de portèr a »Incontrarti« operes del gran artist naif Antonio Ligabue, e apede el l à cernù trei artisć segnificatives del Trentin, esponenc de stii desferenc: l pitor astrat Flavio Zoner, l iper-realist Piero Devilli e l scultor fascian Matthias Sieff. La fegures del artist da Ciampedel é oramai cognosciudes, sie stel particolèr se tol fora de anter e chest l é de segur n valor emportant tel mond de l’èrt. Se à podù les veder ence te nesc paijes, desche elemenc de na cripela particolèra o a ge dèr n aspet curious, chest an per dut istà a Vich. Ma les é jites ence più dalonc: demò per recordèr la ultimes, l an passà la gran fegures de Sieff é states protagonistes al »Bad RagARTz« la maor esposizion de scultures a l'averta d'Europa, tel Giessenpark de Bad Ragaz te la Svizera, e chest an tel Parco Villa Borghi a Limone sul Garda. Aon rejonà con el de sia èrt e sia esperienzes.

Co éla nasciuda voscia partezipazion a la esposizion de Rorei e co él stat veder voscia operes metudes fora apede a cheles de Antonio Ligabue?

Se pel lejer duta l'intervista su La Usc nr 43 dai 7 de november, che se pel troèr ence te la boteighes de sfoes. Sul sit www.lausc.it se per fèr l abonament al e-paper per aer azes vigni vender a dut l sfoi sul fonin, tablet o computer.


 (Lucia Gross)