La Usc di Ladins

la Val Badia unse na bela cumpëda de grups o bands, che porta sön paladina musiga di genres plü desvalis: dal rock al rap, dal pop, al folk, al classich, cina ala musiga popolara de nüsc paisc. Pro chisc toca ince le grup "Da Piz a Ciantun" d’Al Plan, che abelësc festes y serades da 15 agn incá. N pröm iubileum che ai festejëia sëgn de novëmber.
Metü man á döt cant cun i jogn Fabian Agreiter, Stefan Erlacher y Victor Obojes, che jô bele da jonins a soné fora por hotí dl paisc. Le post de Fabian gnô defata tut ite da Luca, le fre de Stefan, y insciö jô i trëi sonadus cun orghi, chitara y vidora dl malan a soné por la ligrëza di turisć. Cun musizisć che é jüs y chi che é gnüs pormez, éson rová ala formaziun da incö. Ivan Ties sona orghi y chitara, Stefan Erlacher la chitara, Victor Obojes le bas y Matthias Moling (Zak) da La Val la bateria. Düc sona, düc cianta.

Co che ai á pordërt chirí fora l’inom dl grup y val’ deplü sön sües ativités y novités, podëise gní lassura t’La Usc di Ladins di 14 de novëmber  (pablo)