La Usc di Ladins

Te n bel de da d’altonn, cun n lisier sblauch de nëi y sot temperatöres frësches, s’á desfiré la 25ejima ediziun dl Rait de San Linert en domënia ai 9 de novëmber. Por chësc ann é la manifestaziun chersciüda ciamó deplü: incër 200 ciavai, en gran pert dles döes razes norics y haflingher, y plü co 800 porsones, á defilé por l’ocajiun fora por le zënter de Badia, do la santa mëssa ciantada dal Cor de Dlijia. Ince por chësc ann é la partezipaziun stada plü co bona y i zidladus é gnüs da dötes les perts dl Südtirol cun sü ejemplars che á podü se mostré. 


Güces de vigni sort, infornides sö cun ciüfs y lac de vigni corú, á condüt autorités dla politica locala y provinziala, sciöche ince dl ciamp dl turism y dla cultura ladina fora por le paisc. I bi ciavai, arjigná ca y abelis por l’ocajiun, danter les musighes y les trohtes, á fat parüda tl’aria da festa dl de dediché al sant protetur San Linert.



Deplü da lí ciafëise tla ediziun nöia da indoman, vëndres ai 14 de novëmber!