La Usc di Ladins

En sabeda ai 9 de ma á le Consëi de Formaziun d’Al Plan deboriada al’uniun culturala d’Al Plan »Zicuta Lab« metü a jí na vijita menada al Urt da Ras, olache le proprietar Georg Trebo á lascé cuché ite te so urt, mostran les massaries che ti büta le plü don de vigni sort de consëis ci che reverda l’urt. 

Chë sodesfaziun da podëi dí che al é verzöra fora d’urt é particolara. Por coltivé indere, ól erster le savëi. Chësc é aldedaincö n pü’ jü a perde cun la comodité da podëi cumpré te botëga de vigni sort de verzöra fora por döt l’ann y tres demanco á la posci­bilité da tigní n urt o forsc le tëmp da ti dediché.
L’ortolan Georg Trebo á splighé süa metoda da coltivé y á partí sües tecniches cun i mëmbri dla comunité.

Deplü sön la vijita al Urt da Ras podëise lí tla ediziun nöia de vëndres ai 15 de ma!