La Usc di Ladins

Passa 100 partezipanc à tout pèrt al convegn de en vender ai 8 de mé dedicà a ‘Dominies coletives, Liber fondiarie, Cataster’ endrezà te sala Alberto Silvestri tel Palaz de Economia a Trent, olache se à enterzà desvalives relatores de aut profil. Apede ai raprejentanc de le ASUC, di Comuns, de la Magnifica Comunità de Fiem, de la Comunità de la Regoles de Spinale e Manez, l era ence desvalives profescionisć, studiousc e pascioné, ence da fora de provinzia, a testamonech del enteres envers chisc argomenc. Grana la é stata l’atenzion desmostrèda dai ordegn profescionèi (prejenc l president di Geometres Flavio Zanetti e di Dotores Forestai Claudio Maurina) dal president del Consorzie di Comuns del Trentin Michele Cereghini e del assessor provinzièl Mattia Gottardi che à anunzià che prest vegnarà chiamà ite la radunanza di Stac Generèi di dominies coletives.
»Chest moment emportant de aprofondiment e de dialogh nasc dal besegn concret de ge dèr respostes a la sacotanta domanes operatives su l’intestazion tavolara e a la dreta calificazion di bens coletives« à spiegà te sia introduzion Robert Brugger, president de la Sociazion provinzièla ASUC, che à endrezà l event ensema al Zenter studies e documentazion sui demanies zivics e la proprietèdes coletives.

Podede lejer dut su La Usc dai 15 de mé da ciapèr te la boteighes de sfoes de la valèdes ladines o tras abonament (info:www.lausc.it/abo o abo e-paper)


 (MCI)