La Usc di Ladins

Al mancia oramai püch al mëis d’agost, canche al rovará sön paladina a La Pli de Mareo l’operëta popolara ladina »Franzi«, dl autur Iaco Rigo (libreto y tesć) y dl componist Alex Trebo. Le toch é nasciü tl cheder dl program cultural PNRR programé a La Pli de Mareo sot al moto »face to face«. 

Cun la premiera ai 6 d’agost gnará le toch porté dant por le pröm iade y sará da odëi ot sëres de fila sön paiun de paisc. Ala rapresentaziun colaborëia plü profescionisć y ama­turs ladins dl setur dl’ert, dla musiga y dl teater. Cun la regia de Erika Castlunger, la sce­nografia de Ursula Tavella, la dire­ziun musicala de Maria Craffonara y la musiga scrita da Alex Trebo, vëgnera da s’inconforté a na rapresen­taziun che se desfarenziëia dala cuotidianeité y routine.

Le toch »Franzi« trata tematiches atuales che nes atoca: al cunta de realisaziun personala, de somi y dla gola de richëza te tëmps amarsciá dal turbocapitalism.



Deplü ciafëise da lí tla ediziun nöia de vëndres ai 15 de ma!