La Usc di Ladins

Ai 23 de jená dl 1976 êra finalmënter tan inant che al podô gní tigní les prömes leziuns dla scora de musiga a San Linert de Badia. Cun trëi maestri – Iarone Chizzali, Ulrich Willeit y Lois Willeit – 71 scolars, 30 ores finanziades dal "Südtiroler Kulturinstitut" y n curs paralel de chitara cun l’insegnant Bruno Pescoller finanzié, dala Uniun di Ladins, metô man chësta aventöra. N gran mirit sce chësc é gnü adaldé ti vá al dr. Lois Ellecosta de Colac, che é sté bun impröma da baié sö i responsabli a livel provinzial y da porté adalerch i finanziamënc nezessars, y é sté dedô bun da organisé cun püces ressurses l’ativité dla scora por plü de 10 agn. Na porsona che an ne dess nia se desmentié y che á sburlé y daidé dassënn por che al vëgnes metü sö i cursc de musiga, é sté siur Iaco Ploner.
Da chël pröm vare él passé sëgn 50 agn – n iubileum che an festejará en sabeda ai 16 de ma dales 16:00, tla Ciasa dla Cultura a La Ila. (Renzo Huber, por la Scora de Musiga Val Badia)

Deplü podëise lí y odëi t’La Usc di Ladins di 8 de ma