La Usc di Ladins

Cun le fin de promöie l’ert contem­porana ti raiuns ladins é piada ia en vëndres ai 22 de ma l’otava ediziun dla »Trienala Ladina 2026« tl Mu­seum Ladin Ciastel de Tor. 
»Intreciamënt Ladin« é la tema­tica che porta adöm les operes des­farëntes di artisć che á n lian strënt cun la mendranza ladina. Les cinch porsones creatives che mët fora tla mostra coletiva dl concurs artistich »Trienala Ladina« é artistes y artisć residënc tles cin’ valades ladines, ti Grijiuns y tl Friul. Chisc é gnüs cernüs dala iuria che ti á damané da cherié operes daldöt nöies sön la tematica. Ma l’opera dl duo jonn »plurale« é n’injunta tuta sö tla mostra ajache ara se coliëia ala tematica zënza avëi tut pert al concurs. Te chësta ediziun dla »Trienala Ladina« se porta ite bun ince les operes dl artist Arnold Holzknecht da Urtijëi che á podü pié do iniann le pest »Richard Agrei­ter« y che por la festa d’inaudaziun á pité na performance dal ví de süa opera.


Deplü ciafëise da lí tla ediziun nöia de vëndres ai 29 de ma!